1 Le caʼa tun hókoʼobeʼ tu cáhsah u caʼansicʼob tiʼ le cahoʼ u tʼan Dios, ocoʼob sinagoga, ichil yotochoʼob; heʼeleʼ, bey xan tu caʼansahoʼob teʼ behoʼ.

2 Cu dzoʼocol u sén meyah ichiloʼobeʼ, cáh hoʼopʼ u kaʼamaʼloʼob maʼalob ichil le ótsiloʼoboʼ, heʼel túnaʼ letiʼoʼobeʼ hoʼsaʼaboʼob teʼ sinagogaoʼoboʼ tumen ótsil nok u búquiʼntmubaoʼ.

3 Le betiʼc túneʼ maʼ tu chaʼabal u yocoloʼob tiʼ sinagogaoʼoboʼ utiaʼal u betiʼc u meyahoʼob Hahal Dios tumen u sucuʼunoʼob cu tuclicoʼobeʼ suciotacoʼob, le betiʼqueʼ hach ótsiloʼob, beyoʼ caʼachiʼ u sucuʼunoʼobeʼ cu tuclicoʼob beyoʼob soholeʼ; le betiʼqueʼ hach ótsiloʼob tiʼ le baʼaxoʼob wáy yokolcabaʼ beyxann hach ótsiloʼob tu pucsiʼkaloʼob.

4 Alma túneʼ tán caʼansic yétel tán u tʼan yétel le cah tu yókol u mulil Onidaoʼ, h tal tu yicnal hun múchʼ maʼcoʼob tuʼux yan le maʼxoʼob dzoʼoc c aʼalicoʼ, letiʼ le ótsiloʼob tiʼ u pucsiʼkaloʼobeʼ, tu yoʼolal u yótsililoʼob tiʼ u baʼaliloʼob yokolcabaʼ.

5 Cah kuchoʼob tu yicnal Alma; le u nohchil ichiloʼoboʼ ca tu yaʼalah: Heʼel túnaʼ, baʼax bín u bet le in sucuʼunoʼobaʼ? Tumen chʼa pʼectaanoʼob tumen maʼcoʼob tu yoʼolal u hach ótsililoʼob; hach tumen le nohochiloʼob u iglesia t sinagogaoʼob dzoʼoc u hoʼsicoʼonoʼob t iglesia le t betah t kabil toʼoneʼ, dzoʼoc u pʼectiʼcoʼonoʼob tu yoʼolal sén ótsiloʼon, minaʼan toʼon humpʼél cúchil utiaʼal c meyahtiʼc c Hahal Dios, heʼel túnaʼ baʼax bín c beteʼ?

6 Le ca tu yuʼubah Almaeʼ lelaʼ tu sutahuba tu tohil ca tu pactah yétel nohoch quiʼmaʼc ól; tumen tu yilah dzoʼoc u humillartiʼcubaoʼob yoʼolal u mukyahoʼob yétel dzoʼoc u cambaloʼob u yaʼabil utiaʼal u yuʼubicoʼob le tʼanoʼ.

7 Le betiʼqueʼ mixbaʼal ulʼak tu yaʼalah tiʼ le ulʼak yaʼabach maʼcoʼoboʼ, baʼaleʼ tu tiʼchah u kabeʼ ca tu yaʼalah tiʼ le maʼxoʼob cu yilicoʼobeʼ, le maʼxoʼob hach tu hahil dzoʼoc u kexic u yóloʼobeʼ, ca tu yaʼalah tiʼoʼobeʼ:

8 Quin wiliqueʼ hach ótsil a pucsiʼkaleʼex wá beyoʼ dzocaʼan a bendecirtaaleʼex.

9 Heʼel túnaʼ a sucuʼuneʼexeʼ dzoʼoc u yaʼalic: Baʼax c bin beteʼ? tumen dzoʼoc toholchʼintaal tiʼ le sinagogaoʼob le betiʼqueʼ maʼ tu páhtal c meyahtiʼc c Hahal Dios.

10 Heʼel túnaʼ quiʼn wáʼalic teʼexeʼ: Ca naʼatiʼqueʼex wá maʼ tu páhtal a meyahtiʼqueʼex Hahal Dios wá maʼ chén tiʼ a sinagogaoʼob?

11 Quin kátiʼc xan teʼex ulʼak baʼaxeʼ: Ca naʼatiʼqueʼex wá bín a meyahteʼex Hahal Dios wá maʼ chén huntén tiʼ humpʼél semaʼna?

12 Teneʼ quiʼn wáʼalic teʼexeʼ hach maʼalob ca hoʼsaʼaqueʼex tiʼ a sinagogaoʼob tu yoʼolal a ótsiltaleʼex yétel a caniqueʼex naʼat, tumen hach kabét ca a caneʼex naʼat, tumen yoʼolal lelaʼ a hóksaʼaleʼex, tumen a sucuʼuneʼexoʼobeʼ hach u pʼecmaʼheʼexoʼob tu yoʼolal hach sén ótsilileʼex, bey úchic a kuchileʼex u yótsiltalil a pucsiʼkaleʼex, tumen kabét a kuchuleʼex a beteʼex a ótsilileʼex.

13 Yétel tu yoʼolal yan a pʼátaleʼex ótsileʼexeʼ dzoʼocaʼan a bendecirtaaleʼex, tumen huntúl maʼqueʼ wá yan u sut u yótsilileʼ cu caxtiʼc u kex u tucul, bey túnoʼ le maʼx cu kexic u yóleʼ bín chaʼabac ótsilil tiʼ, le maʼx cu chʼaʼabal ótsilil tiʼ yétel cu pʼaʼatal uts tac tu xuleʼbín u salvartuba.

14 Heʼebix dzoʼoc in wáʼalic teʼexoʼ tumen anchah a pʼátaleʼex ótsileʼ h dzaʼab teʼex bendicion, maʼ wá ta tucliqueʼex maʼs yaʼab cu kamic bendicionoʼob le maʼxoʼob cu humillartiʼcubaoʼob hach tu hahil tu yoʼolal le tʼanoʼ?

15 Tu hahil le maʼx cu betiʼcuba ótsil yétel c kexic yól tiʼ u kebanoʼobeʼ cu pʼátal uts tac tu xuleʼ bín bendecirtaac maʼs yaʼab tiʼ le maʼxoʼob yan u humillartiʼcubaoʼob yoʼolal hach minaʼan mixbaʼal tiʼoʼob.

16 Le betiʼqueʼ dzoʼocaʼan u bendecirtaal le maʼxoʼob dzoʼoc u sutoʼob humildes tu hun maʼ kabét u sutoʼob humildes yoʼolal minaʼan mixbaʼal tiʼoʼob, tiʼ ulak tʼanileʼ dzocaʼan u bendecirtaal le cu creertiʼc u tʼanil Hahal Dios yétel cu kamic oc haʼ maʼ tu chichcuntiʼc u pucsiʼkaleʼ, maʼ kabét u taasal tiʼ le tʼanoʼ mix u taasal u yohelt utiaʼal u creertiʼc.

17 Beyoʼ yan yaʼabach cu yaʼalicaʼ: Wá chén ca weʼesic toʼon humpʼél baʼax tiʼ caʼaniloʼ cu haʼaksic yól maʼqueʼ, beyoʼ c ohéltiʼc tu hahil yan c creertiʼc.

18 Beʼoraaʼ quiʼn kátiʼc teʼexeʼ, le heʼelaʼ fe wá? Quin wáʼalic teʼexeʼ maʼ; tumen wá huntúl maʼc yoheʼl humpʼél baʼaxeʼ maʼ kabét u creertiʼc tumen u yoheʼl.

19 Beʼoraʼ hach sén maʼs cu kamic kas letiʼ le maʼx u yoheltmaʼh u yóliʼl Hahal Dios baʼaleʼ maʼtech tu betiʼquiʼ que le maʼx chén cu creertiʼc wá chén yan baʼax oʼolal u creertiʼc cu lúbul ich keban.

20 Beʼoraʼ tiʼ le heʼelaʼ yan a tuclic. Bey túnaʼ quiʼn wáʼalic teʼex, cu pʼiʼisil igual tiʼ huntúl maʼc heʼex tiʼ ulʼakoʼ, cu betaal tiʼ cada maʼc segun u meyaheʼ.

21 Beʼoraʼ quiʼn wáʼalic yoʼolal fe: le feoʼ maʼ u kát yaʼal a woheʼl chucaʼan humpʼél baʼaxeʼ, le betiʼqueʼ wá yan tech feeʼ ca paʼtiʼc baʼax maʼ ta wiliqueʼ baʼaleʼ hach tu hahil.

22 Behlaʼ túneʼ quiʼn wáʼalic teʼexeʼ, in kát ca kaʼahac teʼexeʼ Hahal Dioseʼ hach sén cu chʼaʼic ótsilil tiʼ tulácal le maʼxoʼob cu creertiʼcoʼob tu kabaʼeʼ, tumen yáx letiʼ u kát ca a creerteʼex, beyoʼ, tiʼ u tʼan.

23 Letiʼeʼ cu dzaic u tʼan tiʼ maʼcoʼob tumen le angeloʼoboʼ, beyoʼ, maʼ chén tiʼ xíboʼobiʼ, baʼaleʼ tac tiʼ coʼoleloʼob xan; maʼ chén leloʼobaʼ; yaʼab u téneleʼ cu dzaʼabal tʼan tiʼ meheʼn palaloʼob cu haʼaksicoʼob u yóloʼob le maʼc yan yaʼab naʼatiʼl tiʼ beyxann le maʼxoʼob cambalnahaʼanoʼoboʼ.

24 Bey túnoʼ in yabilah sucuʼuneʼex, bey tumen dzoʼoc a dzíboltiʼqueʼex a kátiʼqueʼex tiʼ ten baʼax cu deber a betiʼqueʼexaʼ, tumen dzoʼoc u betaal a mukyaheʼex yétel dzoʼoc a hoʼsaʼaleʼexeʼ maʼ in kát ca a tuculeʼex wá bín in juzgartiʼqueʼex chén tu yoʼolal hahil.

25 Tumen maʼ in kát in wáʼaleʼ wá tulácaleʼex dzoʼoc u kabétchahal a humillartiʼcabaeʼex, tumen hach tu hahileʼ in tucliqueʼ ichileʼexeʼ mín yan wá maʼx huhuntúlileʼex u humillartiʼcuba heʼebix anic u cuxtaliʼlieʼ ca úchuc wábaʼaxeʼ.

26 Heʼebix tiʼn wáʼalah tu yoʼolal feoʼ, maʼ a woheʼl chucaʼaniʼ, beyxannoʼ yétel in tʼan. Tu cáhbaleʼ maʼ tu páhtal a wohéltiʼqueʼex hach chucaʼan u hahil, tumen bey xan a feoʼ maʼ a woheʼl chucaʼaniʼ.

27 Heʼel túnaʼ, wá le quen ahaqueʼex ca pecsic a wóleʼex ca a beteʼex in tʼanoʼob, wá ca meyaheʼex yétel chén humpʼít a feoʼ, beyoʼ, quex tumen hach chén cu páhtal a dzíbotiʼc a creertiʼqueʼexeʼ, chaʼeʼex u meyah le dzíbolil ta pucsiʼkaleʼexaʼ, beyoʼ utiaʼal ca a creerteʼex de que hu páhtal a dzic ichileʼex humpʼít in tʼanoʼobaʼ.

28 Coʼoneʼex tún ilic le tʼanoʼ yétel humpʼél nek, wá ca a dzaeʼex cúchil ta pucsiʼkaleʼex utiaʼal u paʼakal humpʼél nek yétel wá maʼalob yétel u hahil nek, wá maʼ a puluqueʼex táncab tumen maʼ a creertiʼqueʼexiʼ ca a dzaeʼex tu tsel u pixan Yumstiʼl, heʼel túnaʼ bín cáhac u xítiʼl ta pucsiʼkaleʼex, le can a wuʼuyeʼex tún le nohochtalaʼ cu cáhal a wáʼaliqueʼex ta pucsiʼkaleʼexeʼ: Hach tu hahileʼ le nekaʼ maʼalob, wá le tʼanaʼ maʼalob, tumen tán u cáhal u xítiʼl in pixan yétel tu cáhal u sásiltal in naʼat, beyoʼ tun cáhal tu quiʼtal in pucsiʼkal.

29 Heʼel túnaʼ, maʼ wá yaʼabcunsic a feeʼex le heʼelaʼ? Tu hahil quiʼn wáʼalic teʼexeʼ, heʼeleʼ; chén baʼaleʼ maʼ kuchic u chucaʼantal a naʼatiʼl

30 Baʼaleʼ heʼel túnaʼ, caʼaliquiʼl tán u xítiʼl le nekoʼ, cu toʼopʼoʼl yétel u cáhal u nohochtal, bey túnoʼ yan a wáʼaliqueʼexeʼ maʼalob le nekoʼ, tumen tán u xítiʼl le nekoʼ, cu toʼopʼoʼl yétel u cáhal u nohochtal, bey túnaʼ maʼ tu muktal a feeʼexiʼ? Beyoʼ heʼ u muktal a feeʼexeʼ: tumen yan a wáʼaliqueʼexeʼ in woheʼl maʼalob le nekaʼ, tumen cu xítiʼl cu cáhal u nohochtal.

31 Hach wá tún a woheʼleʼex maʼalob le nekoʼ maʼalob? Tu hahil quiʼn wáʼalic teʼexeʼ beyoʼ; tumen heʼebaʼalac nekileʼ cu yantal yich heʼebix tu yáx chuneʼ.

32 Le betiʼc túneʼ wá humpʼél nek cu nohochtaleʼ, maʼalob nek; baʼaleʼ wá maʼ tu nohochtaleʼ, maʼ maʼalob nek baʼaleʼ, heʼel túnaʼ maʼ páhtaliʼ; le betiʼc túneʼ cu puʼulul.

33 Heʼel túnaʼ tu yoʼolal úchic a betiʼc u paʼakal le nekoʼ yétel tumen cu xítiʼleʼ cu toʼopol yétel cu cáhal u nohochtal, bey túnoʼ a woheʼleʼex tu hahileʼ maʼalob nek.

34 Beʼoraʼ, heʼel túnaʼ hach chucaʼan wá a naʼatiʼleʼex beyaʼ? Beyoʼ a naʼatiʼleʼexeʼ cu cáhal u nohochtal.

35 Cu dzoʼocoleʼ maʼ wá hah lelaʼ? Quin wáʼalic teʼex de que beyoʼ, tumen sásil, tumen le baʼax sásileʼ maʼalob, tumen huʼ páhtal a wohéltiʼqueʼ. Beyoʼ yan a wohéltqueʼex de que maʼalob. Beʼoraʼ cu dzoʼocol a wilic le sásilaʼ chucaʼan wá le baʼax ca naʼatiʼcoʼ?

36 Heʼel túnaʼ quiʼn wáʼaliqueʼex de que maʼ, mix a pʼatiʼqueʼex tu tselil a feeʼex tumen chén dzoʼoc a meyah yétel a feeʼex utiaʼal ca a pakeʼex humpʼél nek. Cu dzoʼocoleʼ ca betiʼqueʼex humpʼél meyahil utiaʼal a wohéltqueʼex wá maʼalob le nekoʼ.

37 Heʼel túnaʼ heʼebix u cáhal u nohochtal le cheʼoʼ, yan a wáʼaliqueʼex; coʼoneʼex tséntiʼc tu bel utiaʼal cu dza mots, ca tséntiʼc ca canántiʼqueʼ heʼ u dzic motseʼ heʼel u nohochtaleʼ hu dzic toʼon icheʼ.

38 Baʼaleʼ wá maʼ tán canántiʼqueʼex u cheʼil yétel hach maʼakoleʼex a hoyaʼteʼ, heʼel túnaʼ maʼ bín u dzah u motsiʼ, le can xan talac u yoxol le kin utiaʼal u chocoquiʼntiʼcoʼ, cu tiʼhil tumen minaʼan u mots, ca hoʼsiqueʼex túneʼ ca puliqueʼex.

39 Lelaʼ maʼ tumen wá maʼ maʼalob le nekoʼ, mix xan wá maʼbín dzíboltaac u yichiʼ, baʼaleʼ tumen maʼ maʼalob a luʼumeʼexeʼ, yétel maʼ ta tséntiʼc u cheʼiliʼ; le betiʼqueʼ maʼ tu páhtal a yantal u yich.

40 Bey tún xanoʼ wá maʼ tán tséntiʼqueʼex le tʼanoʼ, tán a pacateʼex actán yétel fe tu yichil tu tohil le u yichoʼ, mix bikin u páhtal a tʼoquiʼqueʼex u yich u cheʼil cuxtal.

41 Baʼaleʼ wá ca tséntiʼqueʼex le tʼanoʼ, wá ca hoyaʼtiʼqueʼex caʼaliquiʼl u cáhal u nohochtaleʼ yétel a feeʼex yétel humpʼél chich meyahil, ca wileʼex tánil u yich, yan u dzic u mots; heʼel túnaʼ, bín u bet humpʼél cheʼ cu hoʼkol utiaʼal cuxtaliʼl minaʼan u xul.

42 Tu yoʼolal a chich meyaheʼex, a feeʼex yétel a hach canántiʼqueʼex yaʼab kin a paʼtiʼqueʼexeʼ le tséntbil tʼanoʼob utiaʼal cu dza u mots ichileʼexoʼ, heʼel túnaʼ, hach tu kinil bín a tʼoqueʼex u yich, leloʼ hach táh hadzuts, maʼs hach chʼuhuc tiʼ tulácal baʼal chʼuhuc, maʼs hach sac tiʼ tulácal sástac baʼaloʼob, beyo, maʼs hach puro tiʼ tulácal baʼal puro, beyoʼ bín hanteʼex le ichaʼ, bín pʼátaqueʼex hach naʼaheʼex maʼ bín a wuʼuyeʼex wiʼihiʼ mix ukah tu caʼaténiʼ.

43 Bey túnoʼ in sucuʼuneʼex bín a tʼoqueʼex u yichil yoʼolal a feeʼex, a meyaheʼex, dza paʼtiʼqueʼex yaʼab kin yétel dza mukyaheʼex xan tumen tán a paʼtiʼqueʼex u dzaic teʼex u yich le cheʼoʼ.