1 Bey túneʼ in paleʼ yan ulak baʼal yan in wáʼalic tech aparteʼ tiʼ letiʼ tiʼn wáʼalah tiʼ a sucuʼuneʼ letiʼ betiʼc u tʼan Hahal Dios untiʼcheʼ, heʼelaʼ maʼ wá u yeʼesic tech humpʼél maʼalob cuxtaliʼl?

2 Tumen techeʼ maʼ ta betah in tʼanoʼobiʼ heʼebix tu betahil a sucuʼuneʼ ichil u palaloʼob Zoram, lelaʼ dzic in nahaʼanen ta wókol techeʼ tán a nohochquiʼnsaba yoʼolal a muk yétel tiʼ a cambalil.

3 Yétel maʼ tulácal lelaʼ in pal, ta betah le baʼal kasiʼl tu dzah yah tiʼn wól tumen ta pʼatah u meyahil Hahil Dios cah binech u luʼumil Siron tu xuʼulil u luʼumiloʼob le u palaloʼob Laman, tu pach huntúl kebanil coʼolel u kabaʼeʼ Isabel.

4 Beyoʼ letiʼeʼ tu chʼah yaʼabach u pucsiʼkal maʼqueʼ, baʼaleʼ minaʼan yoʼolal utiaʼal ca bet beyoʼ in pal techeʼ cu deber a betiʼc u meyahil Hahal Dios letiʼ dzah techoʼ.

5 Maʼ wá a woheʼleʼ in pal tulácal le aʼaloʼobaʼ maʼ hadzuts u yilic Yumtsiliʼ, maʼs hach kas tu yich tiʼ tulácal le kebanoʼoboʼ, haʼali wá a weʼequiʼc kiʼik wá a tusic le Hahil Pixanoʼ?

6 Tumen heʼel túnaʼ wá ca tusic le Hahil Pixan cu dzoʼocol u cahtal huntén tiʼ techeʼ, yétel a woheʼl ca tusiqueʼ, heʼelaʼ humpʼél keban mix bikin bín perdonartaac, beyoʼ, le maʼx xan cu quínsic maʼque tu contra u sásil yétel u naʼatiʼl Hahal Dios sén istiʼcyah ca luʼsaʼac u kebanil, beyoʼ in pal quiʼn wáʼalic techeʼ sén istiʼcyah ca luʼsaʼac a kebanil.

7 In yabilah pal quexiʼ wá maʼ tech a betmaʼh humpʼél nohoch keban beyoʼ, maʼ bín sén tʼanaquen tu yoʼolal a kebanil utiaʼal in betiʼc u mukyah a pixaneʼ chén tu yoʼolal ca anac tech uts.

8 Baʼaleʼ heʼel túnaʼ maʼ tu páhtal a taaquiʼc a kebanoʼob tu tánil Hahil Dios, wá maʼ ta kexic a wóleʼ bín líkiʼcoʼob u yaʼalic u hahil ta wókol tu dzoc kin.

9 In pal, hach in kát ca kex a wól yétel pʼatac a kebanoʼob, yétel maʼ a chaʼic u bisiquech u dzíbolal a wich, baʼaleʼ ca a pʼat a betiʼc le baʼaloʼobaʼ, tumen wá maʼ a pʼatiʼc beyaʼ maʼ tu páhtal atiaʼalintiʼc u reinoil Hahal Dios. Maʼ u tuʼubul tech lelaʼ, dza ta wól ca a pʼat a betiʼc le baʼaloʼobaʼ.

10 Quin dzic tech maʼndamiento ca a dza a wól a kát ta nucuch sucuʼunoʼob tiʼ tulácal baʼax ca beteʼ, tumen heʼel túnaʼ hach tanquelmech, le betiʼc hach kabét tech u yántah a sucuʼunoʼob yétel ca a chʼaʼ u maʼalob tʼaniloʼoboʼ.

11 Maʼ a chaʼic a bisaʼal tumen baʼal minaʼan u páhtalil mix tumen caʼanal ich maʼ a chaʼic u bisaʼal a pucsiʼkal tumen quiʼsin tu caʼatén ca xiʼiquech tu pach le kebanil coʼoleloʼoboʼ. Heʼel túnaʼ in pal, bucaʼah nohoch lobil dzoʼoc a bétiʼc tiʼ le tu palaloʼob Zoramoʼ, tumen le ca tu yilahoʼob baʼax ca betiʼqueʼ maʼ tu yóltoʼob u creeroʼob baʼax tiʼn wáʼaloʼ.

12 U pixan Yumtsileʼ cu yaʼalic teneʼ: Aʼal tiʼ a palaloʼob ca u betiʼc baʼaloʼob maʼalob, yoʼolal maʼ xan u kexoʼob u pucsiʼkal maʼcoʼob tac u xuʼulsaʼaloʼobiʼ. Le betiʼqueʼ, in pal quiʼn wáʼalic tech yoʼolal sahaquen tiʼ Hahal Dioseʼ bic xiʼiquech a bet kebanoʼoboʼ.

13 Ca sunaquech yicnal Hahal Dios yétel tulácal a tucul, páhtalil yétel muk, maʼ a bisic u pucsiʼkal a yanal maʼc u bet le kasoʼ, baʼaleʼ, sunen yicnaloʼob ca a confesart a keban tiʼoʼob yétel le kas ta betah tiʼoʼob.

14 Maʼ a caxtiʼc ayikalil mix le baʼax cu betiʼc u caʼanaltal a wich teʼ yokolcabaʼ, tumen heʼel túnaʼ maʼ tu páhtal a bisic ta wételiʼ.

15 Behlaʼ túneʼ in pal, in kát in wáʼal tech dzeʼedzec baʼaloʼob tu yoʼolal u talbal Cristo. Heʼel túnaʼ quiʼn wáʼalic techeʼ, hach tu hahil letiʼ le bin talac u luks u kebanil yokolcabaʼ. Beyoʼ letiʼeʼ bín talac u tsol tiʼ u cahal u quiʼquiʼtʼanoʼob le salvacionoʼ.

16 Letiʼ lelaʼ le meyah h kuʼub techaʼ: ca a tsol le quiʼquiʼtʼanoʼobaʼ tiʼ; le cahaʼ tu yoʼolal a caʼansicoʼob, wá xaneʼ tu yoʼolal ca anac tiʼoʼob le salvacionoʼ, ca pátac u caʼansicoʼob u palaloʼob utiaʼal u yuʼubicoʼob baʼax quen u yaʼal le quen kuchuc u kinil u tal.

17 Beʼoraʼ bín in caʼah in chan tsol tech yoʼolal le baʼal heʼelaʼ. Heʼel túnaʼ cu haʼakal a wól baʼaxtén cu deber u yoheltaal tánil le baʼaloʼobaʼ. Heʼel túnaʼ, maʼ wá coʼoh u tohol huntúl maʼc tiʼ Dios behlaʼ heʼebix xan tu kinil le quen tacoʼ?

18 Maʼ wá hach kabét ca kahóltaac le cahaʼbix úchic le salvacionoʼ heʼebix xan tiʼ u paʼaloʼobeʼ?

19 Maʼ wá tu páhtal u túxtiʼc u angel utiaʼal u tsolic toʼon le quiʼquiʼtʼanoʼobaʼ heʼebix xan tiʼ c palaloʼob wá heʼebix tiʼ le maʼcoʼoboʼ tu kinil u taloʼ?