Ang
Libro ni Mormon

Gani, isa ini ka pinalip-ot nga kasulatan sang katawhan ni Nefi, kag amo man sang mga Lamanhon—Ginsulat sa mga Lamanhon, nga amo ang mga nagkalabilin sang panimalay ni Israel; kag amo man sa mga Judio kag Gentil—Ginsulat paagi sa kasugoan, kag amo man paagi sa espiritu sang propesiya kag rebelasyon—Ginsulat kag gintakpan, kag ginpatago sa Ginuo, agud ang mga ini indi maguba—Kag magwa paagi sa dulot kag gahum sang Dios sa pagkapatpat sini—Gintakpan paagi sa kamot ni Moroni, kag ginpatago sang Ginuo, agud maggwa sa gintalana nga tion paagi sa Gentil—Ang pagkapatpat sini paagi sa dulot sang Dios.

Isa ka pinalip-ot nga kasaysayan nga ginkuha man sa Libro ni Eter, nga amo ang kasulatan sang katawhan ni Jared, nga naglinapta sang panahon nga ginlabugay sang Ginuo ang lengguahe sang katawhan, sang nagapatindog sila sang tore agud makalab-ot sa langit—Nga magapakita sa mga nagkalabilin sang panimalay ni Israel kon ano kadako nga mga butang ang ginhimo sang Ginuo sa ila mga amay; kag nga ila mahibal-an ang mga kasugtanan sang Ginuo, nga wala sila pag-isikway sang wala katapusan—Kag amo man sa pagpapati sa Judio kag Gentil nga si Jesus amo ang Cristo, ang Wala’y Katapusan nga Dios, nga nagapakita sang iya kaugalingon sa tanan nga nasyon—Kag karon, kon may mga kasaypanan, ini mga sayop sang tawo; gani, indi pagpakalaina ang mga butang nga iya sang Dios, agud makita kamo nga wala’y mantsa sa hukom-lingkuranan ni Cristo.