Puk luhn Mormon

Ke ma inge, pa inge sramsram fototo ke ma sihmlac ke mwet lal Nephi, ac oacyacpac ke mwet Laman—Sihmihsyucklac nuh sin mwet Laman, suc pa luhlah sin mwet Israel; ac oacyacpac nuh sin mwet Jew ac Gentile—Sihmihsyucklac ke ohiyac luhn masap, ac oacyacpac ke nguhn in palye ac fwackyuck—Sihmihsyucklac ac siliyucki, ac ukunyucklac nuh sin Leum, tuh ma inge in tiac kuhnausyucklac—In utuckuh ke mwe sang ac kuh luhn God ke lweng luhn ma inge—Siliyucki ke pahol Moroni, ac ukunyucklac nuh sin Leum, in utuckuh ke pacl pakpucki luhn ma inge sin mwet Gentile—Lweng luhn ma inge tuhkuh ke mwe sang luhn God.

Sie sramsram fototo ma oacyacpac eisyucklac liki Puk lal Ether, suc pa sie ma sihmlac ke mwet lal Jared, suc tuh fahsrelihk ke pacl se ma Leum El tuh ahkfohsyeack kahs luhn mwet uh, ke elos tuh muhsahi sie tower ma ac sun inkuhsrao—In ahkkahlwemye nuh sin mwet luhlah luhn mwet Israel ke ma wo ma Leum El oraclah nuh sin pahpah tuhmwaclos; ac tuh elos in kuh in etuh wuhlweacng luhn Leum, lah elos tiac lihsyucklac ne tok ma pahtpaht—Ac oacyacpac in ahkpwacyei nuh sin mwet Jew ac Gentile lah Jisus pa Kraist, God Ma Pahtpaht, suc sifacna ahkkahlwemyacl nuh sin muhtuhnfacl nuhkwewa—Ac inge, fin oasr tahfonglac, ma inge pa tahfonglac luhn mwet uh; ke ma inge, nikmet nuhnuhnkuh ma luhn God, tuh kowos in kuh in sukokyak nwacsnwacs ke siyah in nuhnuhnkuh luhn Kraist.