Slibro Mormon

Ja’ jech, ja’ juteb ya’yejal steclumal Nefi, jech chac c’u cha’al Lamanitaetic—Ts’ibabil yu’nic Lamanitaetic, ti boch’otic scomelal Israelal quirisianoetic, xchi’uc Judioetic xchi’uc ti boch’otic ma’icun snailal Israele, yich’—Ts’ibael ta stsatsal ch’ul mantaletic, xchi’uc ta Espíritu jech chac c’u x-elan la jyich’ alel sc’oplal chac c’u cha’al la jyilic la jyich’ic albele—Ts’ibabil xchi’uc macbil lec, xchi’uc nac’bil ta sventa Cajvaltic, jech chac c’u ch’al mu xich’ soquesele—Ja’ to ta xcha’ loc’uc yanvelta ta slequilal xchi’uc ta stsatsal Riox ti c’uxi a c’o xich’ alele—Yich’ maquel lec ta sc’ob Moroni, yich’ naq’uel ta sventa yu’un Cajvaltic, ti c’uxi ta xcha’ loc’uc yanvelta me sta sc’alalil ta sventaic ti boch’o ma’icuc snailal Israele. Xchi’uc ti c’uxi ta xich’ alel ta slequilal Rioxe.

Xchi’uc xtoc ja’ te tabil ta slibro Eter, ti ja’ te spasoj sba ta jmoj xchi’uc steclumal Jarede, ti bu la jyich’ tanijel batel ti c’alal muyuc la jya’ybe sc’op ti jteclumetic Cajvaltic c’alal la spasic jun muc’ta tec’ubal ti c’uxi xu’ xc’otic ta vinajele,—Xchi’uc ti c’uxi xu’ ta xaq’uic ta q’uelel scomelal Israeletic ti c’alal ep c’usitic muc’tic la spas Cajvaltic ta sventa stotique; xchi’uc ti c’uxi xotquinic ti c’usi yaloj stuc ti Cajvaltic xchi’uc ti ac’o sna’ic ti ma’icuc ma ti ta xich’ic loq’uesel ta sbatel osile—Xchi’uc ti c’uxi ta sbic’tajesbeic yo’ntonic Judioetic xchi’uc ti boch’otic ma’icuc snailal Israel, ti Jesús ja’ Cristoe, ti ja’ Riox ta sbatel osile, ti ta xac’ sba stuc ta scotol banamile—Xchi’uc ja’ jech, ti me oy c’usi chopole, yu’un ja’ ta scoj ti mu sna’ic viniquetique, xchi’uc, mu xa bac’ ta ch’ayel ti c’usitic oy yu’un te Rioxe, ti c’uxi mu oyuc a vic’ubal ta stojolal ti Cristoe.