Chi’uc No’oxtoc Ti La Jyalic Ta Jamal Ti Vaxaquib Texticoetique

Ta x-alat ta scotol banamil, ta scotol jnaclejetic, ta scotol c’opetic xchi’uc ta scotol lumetic, ti boch’otic ta xc’ot ta stojolalic ti li’ abtelal meltsanbile; ti José Smith, queremil, ti boch’o la sjelubtas ta yan c’ope la jyac’ quilcutic ti taq’uin vunetic ti bu calojcutic xae, ti bu xco’laj xchi’uc c’anal taq’uine; yu’un la jpic cutic ta jc’obcutic jay licuc ti bu sjelubtasoj xa ti Smith; xchi’uc la jquilcutic ti c’usitic te ts’ibabile, ti c’usi te ts’ibabile co’ol sba chac c’u cha’al ta vo’nej jech chac c’u cha’al tu jlec’ meltsanbile. Ta xcalcutic ta jamal ta lequil c’op ti c’usitic va’aye, ti yu’un Smith la jyac’ quilcutic ti taq’uin vun ti bu la jquilcutic xae, yu’un lajxa quilcutic xchi’uc laj xa jq’uelcutic, xchi’uc ta bats’imelel jna’ojcutic ti Smith yich’oj ta sc’obe. Xchi’uc ta xcac’ jbicutic ta scotol banamil ti yu’un laj xa calcutic ta jamal ti c’usi quilojcutique, yu’un muyuc bu ta jnop cutic. Riox ja’ caj texticocutic.