A Kekedeb El Omesodel
A Babier Er A Mormon

A Babier er a Mormon a edaol ngesechel a cherechar er a rechad er a Merikel er a irechar, e ulebotk er bebul a tibereberk el deel. Euang el bedengel a tibereberk el deel el rekord a losaod er a chelsel ngii el babier:

Tibereberk el deel er a Nephi, el erung el bedengel: a Mekekerei el Tibereberk el Deel me a Meklou el Tibereberk el Deel. A kot a mlo ileakl el meltutk el kirel a tekoi er a klechelid me a urerir me a osisecheklir a re milkingel a Dios, ea uriul a mla erngii oumesind el reksi er a di klechad er a rechad el nga erngii (1 Nephi 9:2–4). Endi omuchel er a temel a Mosiah ea meklou el tibereberk el deel a direk el uldimukl a tekoi el kirel a meklou ultutuelel el tekoi er a klechelid.
Tibereberk el Deel er a Mormon, el nga erngii a uldkial a urerel a Mormon el mla er a Meklou el Tibereberk el Deel er a Nephi el obengkel a betok el di tekingel. A ikang el tibereberk el deel a nga erngii a ongingil a reksi el lulluches erngii a Mormon me a lmuut el bebil lulluches a ngelekel er a Moroni.
Tibereberk el Deel er a Ether, el ngii ochotii a reksi er a rechedal a Jared. Tiang el rekord a lulechir a Moroni, el lulsiseb a di cheldechedechal e uldak ngii el rekord el mo obengkel a di reksi el nga er cheungel a dai el “Babier er a Ether.”
A Tibereberk el Sintsiu el le ngilai a rechedal a Lehi er a Jerusalem er a ellolem el dart el rak er a uchei er a Kristo. A ikang a nga er ngii “a eim el babier er a Moses,…. Me a direk el rekord er a re Jews er a uchul el mo lmuut er a uchelel omerrederel a Sedikia el king er a Judah; me a direk el ulochir a rechedaol melkingel a Dios” (1 Nephi 5:11–13). Ng betok el nga er a ikang el tibereberk el klalo, el melekoi er a Isaia me a rebebil er a nga er a Biblia me a diak el nga er a Biblia el melkingel a Dios a nga er ngii er a Babier er a Mormon.

A Babier er a Mormon a uldimukl er a truich me a eim el meklou el rechelel me a lechub eng bliongel el dodedengei, endi tang a diak dedung el kmo ng babier. A dertang a nga erngii a ngklel ngikei el btelul omelechesel. A kot el bingel (a kot el elolem el babier el mo er a ulebengelel a Omni) a mloiuid er a Mekekerei el Tibereberk el deel er a Nephi. A delongelel a babier er a Omni me a Mosiah a ulsiseb, a domekedong er ngii e kmo Tekingel a Mormon. Tiang el ulsiseb a bechil a rekord el blotk er a Mekekerei el Tibereberk el Klalo, el obengkel a uldekial a urerel a Mormon er a Meklou el Tibereberk el Klalo.

A kot el kekemangel bingel el nga er a Mosiah el mo er a Mormon el uldimukl er a euid el meklou el bliongel a oidel a uldekial a urerel a Mormon er a Meklou el Tibereberk el Deel er a Nephi. A ulebongel bingel, el nga er a Mormon er a eiai el klou el bliongel el mo er a ulebongel cherrengelel, a ulebotk er a ngelekel Mormon el Moroni, el uriul er a rrekir a rekord er a klengar er a demal, a rirellii a uldekial a urerel a rekord er a rechedal a Jared (el Babier er a Ether) e uldak er uriul a bebil erngii el dodengei el Babier er a Moroni.

Chelsel me a lechub e ngkmeed er a rak er a Eual dart me a lluich me a tang er a le mad a Kristo, ea Moroni, el mlo uriul chedal a Nephi el milkingel a Dios e meluches a reksi, a silemosem ngii el edaol rekord e milart el mo er a Rubak, el mo chemolt er uriul klebesei el di mla medung er a ngerel a Dios el oeak a remilkingel er a irechar. Chelsel a Uriul er a Kodellel a Kristo er a rak er a tal telall ma eiai dart me a lluich me a edei, e ngikang el diosisiu el Moroni el mla mekiis er a kodall el ngar, a mlo oldingel er a melkingel a Dios el Jospeh Smith, ea uriul eng milsa a blotk el tibereberk el klalo.