Chisel A Klaumerang Er A Profet Joseph Smith

A kuk di tekingel a melkingel a Dios el Jospeh Smith el kirel a le mei a Babier er a Mormon a ikakid:

“A kebesengei er a 21 el kebesengil Ongetiu el Buil er a rak er a 1823, e ngak a mlo meluluuch e olengit el mo er a Olab a Rokui el Klisiich el Dios.

“Mitia er akngar er a blekeradel el omekedong er a Dios, e ngak a milsang a llomes el mledum er a delmerab er ngak, el ngii a di mirrael mo klou me a lluut eng kuk mellemesang er a suelb a sils, edi mlekiu el mle chemolt a chad er bita er a dukellek, el dilechor er a mellaongel, el ochil a dimlak boel retechii a ulaol.

“Ngulubail er a medidai el chelliloil el bail el mle imong el becheleleu. A chellellengel a kuk mle engelakl er a ngii dile ngerang er a beluulechad el blakusang: me a diak kumerang el kmo, a ngii dile ngerang er a beluulechand a sebechel el mo chemolt el imong el becheleleu e mediich. A chimal a di mle chemolt, me a direk el chimal er a telkib er bab er a berberel; me a direk el ochil a di mle chemolt, ochil er a telkib er bab er a berberel. A btelul me a chiklel me ngdirek el di mle chemolt. Ak mlo metik el kmo, ngdimalk a ngodech el bilel, ngdi mle tiaikid el chelliloil el bail, eleng di mle teleu me ak milsang a ulul.

“Ng dimlak di ble lebilel a mle imong el becheleleu, me ngikang el cherrungel chad a mle klebokel el diak le mechedereder, me a medal el merang el ko er a bisebusech. A delmerab a kmal mle mellomes endi dimlak el mellomes el uai tiang el di mle kmeed er ngikang el chad. Sei er ak kot el mesang, e ngak a mlo medakt; endi a dakt a di mle mereched el choitak.

“Ngii a ulemekedong er ngak er a ngklek, e dilung er ngak el kmo, ngii a oderuchel el mlodurokl er medal a Dios el mei erngak me a ngklel a Moroni; me a Dios a nga erngii a ureor el soal ak bokuruul; me a ngeklek a mo er a ungil me a mekngit er a delongelel a rokui el beluu, me a rekauchad, me a rosisiu a tikingir, me a lechub engii a dimo du el ungil me a mekngit el omelekoi er a delongelir a rokui el chad.

“Ngii a dilung ngar er ngii a hong el delekull, el lelluches er bebul a kolt el tibereberk el klalo, el ouchais a chisir a rekiliei er tiang el beluu, me a uchelir el bla erngii el mei. Ngii a dirrek el dilung, a cherrengelel a diak a ulebengelel el Ungil Chais a nga er a chelsel, el mlodars er a Osobel el mo er a rechad er tia el beluu er a irechar;

“E direk el mla erngii erung el bad el nga er a uloik el silber; a ikang el bad el lurrekodel el mo er a tiberekberk el deel el mo er a ulud, a uldekial a okodongall el kmo Urim me a Thummim, el medechel el obengkel ngii el tibereberk el klalo. A mo obang e ousbech a ikang el bad a ochotii a chad er a ulaoch er a irechar me a lechub a nga er a mong; me a Dios a mla kudmokl el kirel belkul oidel a babier.

“Ng liluut el dmu er ngak el kmo, sei el bokngai aikei el tibereberk el klalo el ngii a millekoi; le a belsechel el ngii a mo ngeiuul a dirkak el mei, e ngak a diak el kirek el mo olecholt el mo er a ngii dilechad; el mo e lmuut er a tibereberk el deel el mo er a ulud, el obengkel a Urim me a Thummim; ngdi mong ertirkei el ngak a mo nguu a llach el mo ocholt er tir; a lesekum eng diak ak eak mo metemall. Tiang er a longedecheduch er ngak el kirel a tibereberk el klalo, ea ues a ulebok el mo er a uldesuek meng mlo sebechek el mesa basio el ble le delekull er ngii a tibereberk el klalo; tia kmal mle bleketakl e keltukel meak di mle medengelii el basio er ak bo kuldingel er ngii.

“A uriul er tiang el cheldecheduch, e ngak a milsa llomes er a delmerab el mocha mechudel e iliuekl er ngikang el chad el ngii a mlengedecheduch er ngak, e millemolem el uaisei el mo el luuta delmerab el mlo milolk el di mlo sei el di meliuekl erngii, e ngak a di mle kiu el mesa tia el le bla er erngii, el nga erngii a chelsel el di teleu el mo er bab el mo er a ianged. Ngii a ngilasech el mo er bab el di mlo el mo dibus, me a delmerab a liluut el di mlouai ngii er uchei er a llomes er babluades er a belecholt.

“Ak mechiuaiu el omdasu el kirel tiang el ngodech el tekoi, el kmal mechese renguk er a dirk el dilung ngikang el kmal ngodech el oderuchel, mitia er a dirk kumdalem er a uldesuek e ak dimle kiu el mesa delmerab er ngak el luuta el mocha mellomes, e di mle uai a ta el busch mad a domelechesiu er ngii, ea osisiu el oderuchel er babluades a luuta el nga er a bita er a dukellek.

“Ngulemuchel, e luutang el mo omelekl osisiu el tekoi el blael dung er a kot el odingel erngii, el dimlak a di telkib el mlo ngodech; ea le merekong, e nguluchais er ngak er a meklou el blals el merekung er a beluunlechad, el uldimukl er a klou el tellemall er a bosech, me a oles, me a mekngit el orakt; me a ikaikid el oberaod el tellemall a mei er a bluulechad er tiang el telcheroll. Ale merekong el ouchais a ikang el tekoi, e ngliluut el ngilasech el di uai a uchei.

“Tiaikid el taem ea berredel a ikang el tekoi a kmal mle mesisiich er a uldesuek, me a klulaul a mla tuobed er a medak, me ak mlechiuaiu el kmal mechesei a renguk er a bla kues a mla remenges. Endi ngmlo ua ngera sebekreng er ngak er a ak luut el mesa di osisiu el oderuchel er bita er a dukellek el omelekl, me a lechub e ngluutang el melkoi a di osisiu el tekoi er a nga er a mong; e chilsisii chocherdlechel el mei er ngak el melekoi er ngak el kmo, a Satan a mo melasem el mengususeu er ngak (le blekeradel er a meringel el teletelel a chelbuul er a telungalek er a demak) el mo melai ngii el tibereberk el klalo el mo uchul a mo merau. Ngullekebai er ngak e dilung, ngdiak le kirel nga erngii a ngodech el uldasu el kubang el mo melai ngii el tibereberk el klalo, ngdi kirel mo oldanges er a Dios, e diak el kirek el mo mechetakl er a ngii di uldasu el ngodech er a okedecherul a Rengedel; le lak eng diak el sebechek el mo ngmai.

“A uriul er a ongedei el odingel, engii a liluut el ngmasech el mo er a ianged el di uai a uchei, e ngak a liluut kung el di mlo ngak el omdasu el kirel tiang el ngodech el dirke blokmerek el nga erngii; e kmal dirke mlo merek ruriul er a oderuchel er babluades er a le ngasech er a ongedei el taem ea malk a mlerros me ak mlo medengei el kmo ngmocha tutau, me aleuaisei e tiang el cheldechedemam a ngiluu tia el tang el kesus.

“Ngdi mle telkib ruriul er ak bekiis er a dukellek, e di uai a bek el sils ak mlo meruul a ruoll el ureor er tia el sils; endi bo kuureor el di uai a bebil er a taem, e ak mlo metik a klisiichek el kmal ngesonges me ngdi mlo diak rolel er ngak. A demak el ulureor el obengkek a mlo metik el kmo nga er ngii a telemall, mengdilung er ngak me kbo er a blai. Ak morolang el nga er ngii er a renguk a mo er a blai; endi bo kulasem el mlo oleong er a slers el mo tuobed er a sers el ki bla er ngii, e ngdi mlo diak a klisiichek me ak di mlo moat er a chutem, e mlo er ngii a taem el kmal mlo diak kulchesuar a ngii di le ngerang.

“A mle kot el tekoi el blo kudengelii a mle ngor el melekoi er ngak, el omekedong er a ngklek. Ak ulemes el mo er bab e milsa osisiu el oderuchel el dechor er bab er a bteluk el iliuekl er a llomes el di uai a uchei. E solang liluut el omelekl el mei er ngak a rokui el lulemelekl el mei er ngak er a kesus, e dilung er ngak me kbo er a demak e kesebedii er a ues me a llach el bla kngai.

“Ak mlo oltirakl; Ak liluut el mo er a demak er a sers e uluchais a rokui el tekoi el mo er ngii. Ngulenger er ngak el kmo ngmla er a Dios, e dilu er ngak me kbo el mo meruul a le dilu er ngak oderuchel. Ak tilobed er a sers e mlo er a basio el oderuchel a dilung er ngak el kmo a tibereberk el klalo a delekull; ngii el mle bleketakl a ues el kulsang el kirel, me ak di mle medengelii a basio er ak boerngii.

“A di kmeed er a kekerei el beluu er a Manchester el nga er a kiklou el beluu er a Ontario, el nga er a New York, a dechor a kiklou el ked, el kot el kedidai er a rokui el ked er a chelsel tia el kekerei el delengchokl. A mo bedul Ngebard er tiang el ked, el diak el cheroid er bebul, er a cheungel a kiklou el bad, a medechel ngii el tibereberk el klalo, el nga er a chelsel a kahol el bad. Tiang el bad a mle okroker bebul, e omulk a belngel e meliliut a mo bedul a ulebengelel, me a belngel a di mle chemolt er bebul a chutem, endi ulebengelel meliuekl a mle delekull er a chutem.

“Ak kurrekork a chutem e ngiluu ongimer el otungii er cheungel a ulebengelel tia el bad edi mle mekokak e mekisii. A kulemes er a chesel, a merang el miles a tibereberk el klalo, me a Urim me a Thummim, me a mo er a ulud el deel el diuai a tikingel oderuchel. A kahol el le bla er ngii a merruul el longades a bad er a chesel a ko er a sement. A btil tia el kahol a mla er ngii a teblong el bad el delbard er a chelsel. Ea bebul a ikang el bad a mla er ngii a tibereberek el klalo me a lmuut el bebil er a klalo el ulebengkel.

“A leko eak mo melai el oltobed, endi ak mlokebai er a oderuchel, e liluut el muchais el kmo a temel el mo mengai a dirkak el le mei, me a lechub e le mei, el di merekmo rekil euang el rak er sei el taem, endi ngii a dilung er ngak el kmo, ng kirek el mei er sei el basio er a melemalt el ta el rak er seikid el taem, e ngii a mo mesekak erisei, e kirek el mo melemolem el mo uaisei el di merekmo bole temel bokulai ngii el tibereberk el klalo.

“Ngotireklel a mle tekoi el mlei er ngak, me ak mlong er a ulebengelel a bek el rak; me a bek el taem eak milsa osisiu el oderuchel erisei, me ak ngilai osisechakl me a llomes erngii er a bek el kibong el mo kasoes, el kirel a bo loruul a Rubak, me a mo uangerang, e mo mekerang a mo teletelel a urerel a Rengedel er a uriul el klebesei.

“A klemengetel a taem a meremang el mo ngeiuul ngii el tibereberk el klalo, me a Urim me a Thummim, me a mo er a ulud el tibereberk el klalo. A lluich me a erung el kebesengil Ongetiu el Buil er a ta el telael me a eiai el dart me a lluich me a euid, el kurael mong el diosisiu er a rekil a bek el rak el mong er tiang el basio el lengaer ngii, ea osisiu el oderuchel er babluades a ngilai el meskak, e ulterekokl el kmo: Ngak a mo oungerachel el kirel; me a lsekum e ngak a mo meterekakl me ng remiid, me a lechub engdi mo beot a renguk, eak mo medort; endi a lesekum eak mo er a rokui el sebechek el mengedmokl, el di merekmo ngii el oderuchel a mo oker el kirel, e ngmo keldmokl.

“Ak di mle mereched el mo medengelii a uchul me ngak a mlei er ngak a meringel ngerachel el mo klekar el kirel, me a uchul a oderuchel a dilung el kmo sei el ngak a merekong a mle kirek el meruul, e ngii a mo oker el kirel. Ng dimlak le meketeket er a bolodengei el kmo ngak a merekong a mle kirek el meruul, e ngii a mo oker el kirel. Ng dimlak le meketeket er a bolodengei el kmo ngak olab, ea oberaod el klishiich a mlo er ngii el melai er ngak. A rokui el teletael el sebechel mudasu a blo lousbech el kirel sei el uldasu. A odechelakl a mirrael el momeringel e lmuut el mesisiich er a uchei, me a rechad a di mle blechoel el melachel er ngak e melai a blo el sebechir. Endi a llemesel a Dios a uchul meng di mlo medechel el keldmok er a chimak, el di merrekmo le merekong a usbechek er ngii el kirel a kirek el meruul. E solae oltirakl er a telbiil ea oderuchel a uleker el kirel; ak ngilai el msang, me ngolab el ngerchelel el me lmuut er chelechang el sils, el ngii erung el kebesengil Ongeim el Buil, er a ta el telael me eiai el dart me a okedei me eiai.”

A ngesechel a cherechar er a irechar el mlengai el mla er a chutem el ngerir a rechad el mengedecheduch el nga er a chebechab, e mloiuid el mo beches el tekoi el oeak a sengk me a klisiichel a Dios el mla moterekokl el oeak a kengei er a kel Dios, e mle kot el meluches el tekoi er a English el mo er a beluulechad er a rak er a tal tellael me a eiai dart me a okedei.