1. Erio egaika ekero kiomwaka bwe emerongo etano netato naisano nemo, Abanephi bagotigara ase obworo, na abalamani barentete amachiko a’Nyasae koreng’ana namachiko a’Musa.

2. Erio egaika ase omwaka oyo Samwel akaba oyomo omolamani, agacha ase ense ya Zarahemula, na gochaka korandia ase abanto. erio akaba okorandia ase amatuko amange, okoangama ase abanto, na boigo bakaba bakomosokia, akaba ange koirana ense yaye.

3. Erio ring’ana eri ri’Omonene rigacha ase are rikomotebia ng’a airane naende, na kobana ase abanto aba kende gionsi kerache ase omoyo oye.

4. Erio egaika engaki batari komokania gosoa ase omochie; akagenda na goika ase enyasi yarengeo akaimokia amaboko aye na korera ase eriogi rinene, na kobana ase abanto keria Omonene abegete ase omoyo oye.

5. Akabatebia, ng’a: Rigereria inche Samwel omolamani, ngokwana inde amang’ana aria Omonene abegete ase omoyo one; ng’a omoyio bwekeene nigo osungire igoro yabo abanto aba; na emiaka chimia inye tekoera omoyio oyo otarabagwera.

6. Omochando Omonene oganyete abanto aba, na ekeene ngocha ore ase abanto aba na onde tari orabakonye gotatiga bangamire na kwegena ase Omonene Yeso Kristo, oyio orache ase ense, na nakore ebinto ebinge naboigo naitwe nabanto baye.

7. Omomaraika bw’omonene ontebirie, na nigo arentete amang’ana amaya ase omoyo one. Na nigo natometwe inchinche ase more kobatebia erinde monyare koba naro korende timokondora.

8. Aseigo otebire Omonene ng’a: Asengencho yobokong’u bw’emioyo yaino inwe abanto ba Nephi, onye tibakoangama nindusie ring’ana riane ase bare na korusia omoika one ase bare, na tinkobainyora naende, naboigo ning’onchore chinkoro chiabamwabo mamincha yabo.

9. Na emiaka amagana ane takoera ntarakora aya nakobatiga goitwa; nimbatarere nomoyio na enchara na amarwaire.

10. Nigo indabachere nendamwamu enene, na imbaria akegori gia kane baranyare komenya ase ababisa baino, koborokia emechando yaino; na aya goika ache gotatiga mwaangamire, otebire Omonene nabaria bekegori gia kane mbache korora ogosareka kwaino.

11. Korende onye mokoangama na koirana ase Omonene Nyasae oino nimbe ingokendia obororo imbwate, otebire Omonene; ng’a mbasesenigwe baria bakoangama na gocha aseinde, korende oragererigwe ere oria otakoangama.

12. Okoragererigwa kobe ase omochie oyo omonene o Zarahemula; korende nasengencho ya abachenu nakio okonyekeire, okoragererigwa ase omochie oyo, otebire Omonene, ng’a nereo emenge, nonya naase aange ase omochi oyo baria barakong’ie emiyo yabo mamincha yane otebire Omonene.

13. Basesenigwe baria baangamire, ekiagera barobwo nimbarende na onye tari ase ya abachenu bare ase omochi oyo, kanga nigo nareta omorero gocha ase ore korwa igoro.

14. Korende rigereria nasengencho yabagenenu, eragere barendwe. Konende rigereria engaki neike otebire Omonene, erinde moranyare kobaseria abachenu korwa ase egati yaino, naboigo imobe abanto bogosaria; okoragereria kobe ase omochi oyo, asengencho y’obworo bwabo na ogosaria kore imeo.

15. Na okoragererigwa ase omochi o Gidioni, ase engencho y’obworo na ogosaria kore imeo.

16. Na okoragererigwa kobe ase emechie ere imeo ase ense eyio, eyio emenyire amo na Abanephi, ekiagera bare aboro na ogosaria kore ase bare.

17. Na rigereria, okoragererigwa ngoche ase ense eye, otebire Omonene bwemeganda, asengencho y’abanto abwo bare ase ense eyio, na ase engencho y’obworo na obobe bwabo.

18. Na neike engaki, otebire Omonene bwemeganda Nyasae oito bwekeene na ore obwogokumia, ng’a onde bwonsi orabise enibo yaye inse yense takoyenyora naende, asengencho y’obworo obonene bwense eyio, gotatiga obeire omonto omochenu na orabe okobisa ase Omonene.

19. Korende nimbe, otebire Omonene, ng’a imbabe bakogacha enibo yabo asende; na baragererigwe baria batari kogacha enibo yabo ase inde; na onde taiyo orabeke enibo yabo aseinde gototiga babeire abachenu; na onde bwonsi otagacheti enibo yaye aseinde nabe okoragererigwa, nenibo yaye na onde tari orayekonye ase engencho ense eragereirie.

20. Erio rituko ndike ekero barabise enibo yabo, ase engencho babegete emioyo yabo ase obonda nimbise chinibo chiabo ekero baratame korwa ase ababisa babo; ekiagera batachibegeti ase inde baragererigwe barobwo ne’chinibo chiabo; na rituko riria mbasirigwe otebire Omonene.

21. Abanto bomochie oyo omonene nakoigwa amang’ana ane; igwa amang’ana Omonene atebete; ekiagera otebire ng’a mwaragererigwe ase engencho yobonda bwaino, naboigo obonda bwaino bwaragererigwe asengencho mwabekire emioyo yaino aroro, nagotiga koigwa amang’ana aye oria obaete.

22. Timoinyora Omonene Nyasae ase ogoseseneka obaeire, korende nigo moinyorete obonda bwaino bwoka na timori komotogia Nyasae; na emioyo yaino teri gocha ase Omonene, korende nigo ere eyobwerori, ase ogwetogia ase emoko na endamwamu, na obong’ainereria, ase ogochanda na ogoita na gokora chingencho chionsi chiebibe.

23. Aseigo Omonene Nyasae oragereirie ense naboigo obonda bwaino na aya nigoro yebibe biaino.

24. Okoragererigwa kobe ase abanto aba, asengencho yengaki eye yaikire, ekero mokobaseria ababani, na kobasekerera chingencho chiebibe buna babakorerete baria bakare.

25. Na bono ekero mogokwa nigo mogoteba ng’a: onye amatuko aito ndiria aba amatuko aito ndiria aba amatuko yabanto bakare, kanga titwabaita ababani kanga titwabaagete amagena nakobaseria.

26. Nigo moetanetie barabwo; aseigo buna Omonene are moyo, na onye omobani ogocha ase more nakoborokia amang’ana y’Omonene, aria akorokia ebibe biaino, na nigo more nobororo ase are, na nakomoseria, naboigo korigia nchera ende yonsi komosiria; na nigo moratebe ng’a nigo are omobani bw’oborimo, na nigo are omonyabibe, na oyobwebirecha, ekiagera akobatebia ng’a amakoro nigo are ayebibe.

27. Na onye omonto ogocha ase more na goteba ng’a: kora aya, na bibe mbiyo; kora aria mochando toiyio; na tara ase obwerori bwe’mioyo yaino; na tara ase obwerori bwamaiso aino na kora keria omioyo yaino eraganie – – omonto oyo nigo moramwanche na goteba ng’a oyo nere omobani.

28. Nigo moramotogie, nakomoa ebinto biaino; imomoe chitaahabu chiaino, na nigo moramosoke nechianga chierigori; asengencho yogokwana amang’ana yoborimo ase more ase ogoteba ng’a amang’ana onsi nigo are ayekeene, aseigo timokonyora obobe amo nere.

29. O inwe ekegori kwobworo, inwe abakong’u na abanto bangete ngoika ririri Omonene araremererie nainwe? Ndiriri inwe abanyene moratige koragwa noboriri? Ngoika ririri morabe mogokora omosunte kobua oborabu?

30. Endamwamu y’Omonene yabeire mamincha yaino; na oragereirie ense ase engencho yaino.

31. Engaki ngocha ere eyio arabe akoragereria obonda bwaino, bonyare gosira, na timokonyara kobibwata; na ekero kiobotaka timokonyara gokonya.

32. Na amatuko yenchara imorere ase Omonene; na nigo morarere ase bosa, ekiagera ogosareka kwaino gwachire ase more na ogosareka kwaino kwaorokigwe koba ekeene; aseigo imorere ase rituko erio, otebire Omonene bwemeganda. Na erio imorerere nagoteba ng’a:

33. O onye ndiria namanyete, na gotaita ababani, na kobaaka amagena, nakobaseria. Ase rituko eri imotebe ng’a: O onye ndiria twainyorete Omonene oito Nyasae ase rituko atokorete abanda, kanga imbaba abasiru na kobasiria, korende rigereria, obonda bwaito bwarure ase tore.

34. Rigereria twabekire ekemoa igaa na mambia achire; na rigereria, emeyio yaito yarusigwe ase tore ase rituko riria twayerigeti ase esegi.

35. Twabisire enibo yaito na yabeire ekorusigwa ase tore, asengencho y’okoragererigwa gwense.

36. O intwangamete ase rituko riria ring’ana ri’Omonene riatocherete; na rigereria ense nigo eragereirie, na ebinto biabeire ebisareku, a ntokonyara kobibogoria.

37. Rigereria nigo toetanaine amo nebirecha, na nigo toetanaine na amaraika yoria omobe otagete asarie emioyo yaito. Rigereria ebibe biaito biabeire ebinene. Omonene nanyare goturuseria endamwamu yao ase tore? Na aya nabe omonwa oo ase amatuko aria.

38. Korende rora amatuko yogocha kwaino aetire; nigo moganyete rituko riaino riogotoreka kwaino goika riabeire rigochererwa, na emechando yaino ekorire ayekeene; aseigo mwabeire mokorigia ase obogima bwaino ase aria motanyore, na mwarigirie omogoko ase ogokora ebibe, ayio are mamincha y’oboikeranu obwe bore obonene ase omotwe oito na obwakare nakare.

39. O inwe abanto bense eye, ng’a imoigwe amang’ana ane! Na nigo ngosaba endamwamu y’Omonene erusigwe ase more, nario morangame na gokonyeka.