1. Nabono omwana one, ebinto mbireo bibachandete ase emioyo yaino ebio motanyare komanya – – ebio bire ase ekeene kia Nyasae igoro yogosusura abanyabibe; kero kende nigo mogoteba ng’a nigo atari ayekeene abanyabibe baranyare gosoa ase aase abe yomochando.

2. Rigereria omwana one nimbe ingokomanyia ebinto ebi. Korende nyuma ekero Omonene Nyasae ataraseria abaibori baito abatang’ani korwa ase omogondo oedeni, korema omogondo – – akabatonga na kobabeka ase ensemo ya mocha yomogondo oedeni, cherubimu orenge oteneine nomoyio omwoge, ase okoyorenda omote bw’obogima.

3. Bono nigo tokorora omonto buna Nyasae, omanyete amaya na amabe; kanga boigo nigo airete okoboko koritwa ritunda riomote bw’obogima na koria na komenya kare na kare, Omonene Nyasae akamobeka cherubimu nomoyio ogwoka, ng’a nario atarie ritunda.

4. Nigo tokorora ng’a, engaki neike omonto abekeire koangama, engaki egwenerete, ensa yokomotogia Nyasae na eyokomokorera Nyasae.

5. Rigereria, onye Adamu aira okoboko kwaye bwango, nagotwa ritunda riomote oria bwobogima, kanga nigo are gocha koba kare na kare, koreng’ana nering’ana ria Nyasae atare gocha konyora ribaga riokoangama; naboigo kanga ring’ana ria Nyasae ribe bosa, na kanga omoroberio bw’ogotoreka tore koba.

6. Korende, nigo yaroberetigwe ase omonto gokwa – – Aseigo buna banachetwe korwa ase omote oria bwobogina naboigo goika banachwe korwa ase ense – – na omonto akaba ogosira kare na kare, bakaba bakogwa.

7. Nabono mwarorire ase aya ng’a abaibori mbabete bakobutorwa korwa ase omobere na omoika na korwa ase obosio bw’Omonene; na twarorire ng’a nigo bachagete gotunyana okobua kwabo.

8. Tiyarenge buya omonto koba korwa ase amakweri, aria arasarie omoroberio bwomogoko.

9. Aseigo buna omoyo otogokwa na okogwa gokaretera mwanyabanto bonsi ogokwa gwekemoika naboigo ogokwa kw’omobere ekio nakio kiagerete bakanachwa korwa ase obosio bwa Nyasae, nigo yarenge ekeene ng’a omonto goika arusigwe ase amakweri yekemoika.

10. Aseigo buna babete abatomani, abanto b’ebirecha, ase omobere, aya akabakora gokwa aase bagochakera aya agacha akaba bosa.

11. Inyora aye omwana one, onye tari omoroberio bwogotoreka, (obegetwe ensemo) bwango buna bakwete emioyo ekaba egotantanigwa, na konachwa korwa ase obosio bw’Omonene.

12. Ngencho yarenge aroro ase okoboria abanto ase okogwa kwabo, okwo omonto ereterete bweka omonyene ase engencho yebibe biaye.

13. Koreng’ana nekeene, omoroberio bwagotoreka kanga tocha gotatiga ase okoangama ase amang’ana aya, goika are koba ase engencho eye yoka mabera tare koba gotatiga nigo are gosaria emeremo yekeene, korende bono emeremo yekeene tegosarigwa, onye ekoba bo rirorio Nyasae tari Nyasae.

14. Aseigo nigo tokorora ng’a abanto bonsi nigo bagwete, na nigo bare ase egesibo gi’ekeene; ekeene kia Nyasae kere ase bare kare na kare ase okobutorwa korwa ase obosio bwaye.

15. Na bono omoroberio bwamabera togocha gotatiga ekeng’wanso gekorwe; Aseigo Nyasae bweka nekorete ekeng’wanso ase ebibe biense ase okoreta amabera, ase ogoikerania ekeene, erinde nario Nyasae arabe oyobwekeene, na obwamabera boigo.

16. Bono okoangama tigogocha ase abanto gotatiga egesusuro kiabeire aroro, ekio kerabe egia kare na kare buna obogima bwechinkoro borabe, ase okoba mamincha yomoroberio bw’omogoko oyio onga buna obomenyo bwomoyo na obwa kare na kare.

17. Inee inaki omonto araangame onye takoreti bibe? Na inaki arakore ebibe onye machiko taiyo? Na inaki ogochika korakore kobeo onye gesusuro getaiyo?

18. Na bono egesusuro kiabekirwe, na amachiko yekeene arurwe, ekio kiaretire okobokia ebirengererio koboka ase abanto.

19. Onye ndiria ogochika gotarwetwe, onye omonto ogoita – – nataba ogokwa inee nabe okoba nobwoba onye ogoita.

20. Naboigo onye ogochika gotabegetwe mamincha y’ebibe kanga abanto tibabete bakuoboa gokora ebibe.

21. Na onye ndiria ogochika gotarwetwe, onye abanto bagokora ebibe inee ninki ekeene eke kerakore, gose amabera, onde takoboria, na tibakoba nokoboria ase egetongwa?

22. Ogochika nkoreo korure, na egesusuro gekamentwa na okoangama nkobekire aroro; ase amabera agokora emeremo; kero kende ekeene ingegokwana ase egetongwa, nagotiga amachiko, na amachiko aorokia egesusuro; onye taibo, emeremo y’ekeene nebe egosarigwa, na Nyasae nabe tari Nyasae.

23. Korende Nyasae tari gosiria obonyasae bwaye, na amabera nayokoremereria, na amabera nigo agocha ase engencho yekeng’wanso; na ekeng’wanso nigo gekoreta okobokigwa kw’abakure; na okobokigwa nigo gokoreta abanto ang’e ase Nyasae; na nigo bakonyire goika ase obosio bwa Nyasae; na bakonyirwe ase are, kogambigwa koreng’ana nogokora kwabo, na koreng’ana namachiko na ekeene.

24. Korende rigereria, ekeene nigo gegoikerania ayare ayaye, na amabera nigo akoorokia ayaye. Kende tikeiyo gotatiga ase ekeene na okoremereria mbabe bagotoreka.

25. Ninki gekogera mogoteba ng’a amabera nigo akoira ekeene? Ekeene nabatebirie onye tari bo. Rigereria Nyasae nigo arasirie obonyasae.

26. Naboigo Nyasae akareta engencho enene ya kare na kare, eria yarosetigwe korwa omochakano bwense. Na goetara igaa ogotoreka gogaikera abanto bonsi na ase emechando na obobe.

27. Aseigo aye omwana one oyotagete achiche tiga achiche erinde anyore amache yobogima bosa; na onde otatagetie tiga abe igo: korende ekero ki’omoerio aya naorokigwe ase are koreng’ana namakoro aye.

28. Onye okorete ebibe, natangamete ase amatuko aye, rigereria ebibe mbimogambie koreng’ana nogokora kwanyasae.

29. Nabono, omwana one naganirie ng’a timogania ebinto ebi bibachande kabere, na tiga ebibe bibachande, emechando eria erabarete ang’e ase okoangama.

30. O omwana one, nigo naganirie ng’a timokana ekeene kia Nyasae naende. Timobaisa kweegerera ase engencho yebibe biaino, ase ogokana ekeene kia Nyasae; konende kora ekeene kia Nyasae na amabera, na okoremereria kwaye na koba ang’e ase chinkoro chiaino; na moretwe inse ase oboitongo.

31. Nabono omwana one nigo morangeirie na Nyasae korandia ring’ana riaye ase abanto baye. Bono omwana one genda enchera yao gokoriteba ring’ana riekeene amo nobwororo, nario orarete emioyo ase okoangama, erinde nario omoroberio bwa amabera orabe ase bare. Nario Nyasae arabeke ase more koreng’ana nering’ana riane. Amina.