Egetabu Kia Alima
Omwana O Alima

1. Na bono nigo yarenge ase amachiko a Mosiah ng’a kera omonto orenge omonachi amachiko, gose baria bachoretwe koba abanachi ebina, goika banyore eng’eria yabo koreng’ana nechinsa agokora emeremo yokonacha ebina ase baria bakoretwa ase bare kogambigwa.

2. Onye omonto okobesire omonto onde, na tamoakana, na ase ekotini na ekotini etome abanto komoreta; na enachere omonto oria koreng’ana namachiko, na obosaidi mamincha yaye, na omonto oria asinywe goakana, gose gosusurwa; gose gosokigwa korwa ase abanto buna abaibi na abauri.

3. Na omonachi ebina anyore ase eng’eria koreng’ana nengaki eye – – senani ye ethahabu ase rituko, gose senamu ye efetha eyio ereng’aine esenani ye ethahabu; na aya naro arwetwe koreng’ana namachiko aria arwetwe.

4. Na aya naro amarieta arure ase chingencho ao ao chiebing’ese, biethahabu, na efetha, koreng’ana nerigori riabo. Na amarieta aya nigo arure na Abanephi, tibabwatetie chingencho chia Abayaudi ba Yerusaremu; gose kwereng’ania nechingencho chia Abayaudi; korende nigo bagokora koreng’ana nechingencho chia abanto, ase kera ekegori, goika engaki y’obogambi abanachi ebina, obwo bakonya omorwoti Mosiya.

5. Bono okorangerigwa kwaerire – – kwe ethahabu, oborabu bwethahabu, eshamu y’ethahabu na elimana y’ethahabu.

6. Esenomu y’efetha, na ekioge gi’efetha, na esenomu y’efetha, na onti y’efetha.

7. Esenamu y’efetha nigo yareng’aine senine yethahabu, naboigo kera engencho ye chintentere.

8. Na bono rigori rieseoni yethahabu nigo yare nengencho ara kabere y’esenine.

9. Na eshamu y’ethahabu nigo yarenge nobonene ara kabere ase obweseoni.

10. Na elimuna y’ethahabu nigo yarenge enene kubua obonene bwabo bwonsi.

11. Na enguba yefetha nigo yarenge eyogokumia buna chisenumasi ibere.

12. Na esiromu ya ethahabu nigo yarenge enene buna obonene bwechi senumasi.

13. Na eonti nigo yarenge enene koreng’ana obonene bwa chionsi.

14. Na bono obo nabwo obonene ase oboke bw’omobaro bw’okomanyekana kwabo –

15. Eshibuloni nigo ere ekeng’ese gi’esenamu; aseigo Eshibuloni nigo ere ekeng’ese kiembusuro.

16. Na eshibulumu nigo ere ekeng’ese gi’eshibuloni.

17. Na erea nigo ere ekeng’ese gi’eshibulumu.

18. Bono oyo noro omobaro obo, koreng’ana n’okomanywa kwabo.

19. Bono entioni yethahabu nigo ereng’aine obonene bwe chibuloni isato.

20. Nigo yarenge ase engencho embe ase okonyora, ekiagera nigo banyorete eng’eria yabo koreng’ania nemeremo babwate, aseigo erio bagachaka kobatebia abanto erinde banyare koburukania, na amang’ana onsi yogosaria, na obworo, erinde nario baranyore abarikwa abange, erinde nario baranyore chibesa koreng’ana nechingencho chiabo echio chiaretetwe ase bare, erio bakabakora abanto koba mamincha ya Alima na Amulek.

21. Erio Zeezrom agachaka koboria Amuleki, ng’a: inee nonyare koiraneria amaborio mbwate? Na Zeezromu nigo arenge omonto bwebirecha ng’a nario arasarie aria are amaya; aseigo akamotebia Amuleki ng’a: Inee noiranerie amaborio indanyare kobeka ase ore.

22. Erio Amuliki akamotebia ng’a; Onye ere ase Omoika oNyasae, oria ore ime yane; tingokwana mamincha ya keria kere mamincha y’Omonene. Na Zeezrom akomotebia ng’a: Rigereria, igaa chionti nechitinieo isano nemo chiefetha onye mogotiga omonto oyo omonene nimbae.

23. Erio Amuleki agateba ng’a: Inwe abana ba riko ninki gekogera mogontema? Momanyete ng’a abachenu mbari gosoa ase ogotemwa konga oko?

24. Inee nigo mwegenete ng’a Nyasai taiyo? Nabatebirie ng’a imomanyete Nyasae, korende nigo mwanchete amarwa kobua ere.

25. Na bono mwabeire mokoba ase Nyasae ase inde. Inwe nigo mogoteba aseinde – – Rigereria chionti echi isanonemo, echio chire echierigori, nimbae ase more – – na ekero morabe nachio ase emioyo ase okobinyora korwa ase inde; na nigo kore okogania kwaino ng’a inyare kwanga Nyasae bwekeene na ore moyo, erinde nario indasirigwe. Na bono rigereria ase ogokora oko okobe imonyore engeria yaino.

26. Naboigo Zeezromu akamotebia naende ng’a: Nigo ogoteba ng’a nareo Nyasae bwekeene na ore moyo?

27. Naboigo Amuleki akamotebia ng’a, Ee nareo Nyasae bwekeene na ore moyo.

28. Erio Zeezromu akaba okoboria ng’a inee mbareo abange kobua Nyasae oyo oyomo?

29. Nere akairaneria, yaya.

30. Erio bono Zeezromu agateba ase are ng’a: Inaki okorete okamanya ebinto ebi?

31. Nere agateba ng’a: omomaraika nere obete okomanyia.

32. Naende Zeezromu agateba ng’a: Ning’oria oranyare gocha? Inee nomwana oNyasae?

33. Akamoiraneria ng’a ee nere.

34. Naende Zeezromu akamotebia: Inee nabatorie abanto baye korwa ase ebibe biabo? Naboigo Amuleki akamoiraneria akamotebia: Ekeene nagotebirie tekoba bo ekiagera nigo erabe akong’u, ase are kwanga ring’ana riaye.

35. Erio Zeezromu akabatebia abanto ng’a: Rigereria na moinyore amang’ana aya; nigo areo Nyasae oyomo; naende ogoteba ng’a Omwana oNyasae nache, natagotoria abanto baye – – buna oria obwate okobwa komochika Nyasae.

36. Erio Amuleki akamotebia ng’a : Rigereria kwang’ainereirie, ekiagera ogoteba ng’a nigo nakwana buna oria obwate okobua komochika Nyasae asengencho nateba ng’a takonyara gotoria abanto baye ime ase ebibe.

37. Nagotebirie naende ng’a takonyara kobatoria abare ime ase ebibe; aseigo tingokana ring’ana riaye, na okanire ng’a kende nkeiyo kerasoe ase obonda bwaigoro kere ekebe aseigo onde tari ase more oratoreke ore ase ebibe.

38. Erio Zeezromu akamotebia naende ng’a: Inee omwana oyo oNyasae nere ore Tata okare na Kare?

39. Naboigo Amuleki akamoiraneria ng’a: Ee nere ore Tata okare na Kare oigoro nense, na ebinto bireo; ere nere omochakano na omoerio.

40. Na nachiche ase ense kobaboria abanto baye; na nabogorie ogosaria kwa bonsi abaregene ase erieta riaye; na aba nabwo baranyore obonda bwa igoro, na ogotoreka tikori gocha ase onde bwonsi korwa ase okwegena oko.

41. Aseigo abanyabibe nigo baratigare boigo buna baria batamanyeti ng’a ogotoreka ngwachete, gotatiga ogosiborwa kwa amakweri; Rigereria rituko ndiike ekero bonsi baraboke nagotenena ase obosio bwa Nyasae, na kogambigwa koreng’ana nogokora kwabo.

42. Korende bono ogokwa nkoreo okwo gokorokwa ogokwa kw’omobere; na ogokwa gwa Kristo ngosibore ogokwa oko, na bonsi mbaboke korwa ase amakweri aya y’omobere.

43. Omoika na omobere nobwatane naende ase oboronge; chinengo chionsi nchibekwe ase oboronge, koreng’ana buna tore bono; na koirwa gotenena ase Nyasae tomanyete buna tomanyete bono, tore noborabu nokwaberana obobe bwaito bwensi.

44. Okoborigwa oko nigo korache ase bonsi, bonsi abagaka na abasae, bonsi abasibwa gose abasibore, bonsi abasacha gose abakungu, bonsi aboro gose abachenu; na tekoba mono buna etukia yemetwe yabo egosira; korende kera egento nkeretwe ase oboronge bwaye, buna tore bono, gose Omobere, na bionsi mbiretwe na kobekwa ase egora ya Kristo omwana, na Nyasae Tata, na ase Omoika Omochenu oyio okorire Nyasae okare na kare, kogambigwa koreng’ana nogokora kwabo nababa abaya gose naaba ababe.

45. Rigereria nakwanire igoro yogokwa kwomobere naboigo okobokigwa kw’omobere ekeene nabatebirie ng’a omobere oyo ogokwa nigo orabokigwe omobere otagokwa ng’a korwa ase obogima gose ogokwa, oyo togokwa naende; omoika okoba amo nomebere togotigana naende; bionsi nigo birabe ebiekemoika na bitagokwa na bitarore ogosareka.

46. Erio ekero Amuleki akora gokwana amang’ana aya abanto bagachaka gokumia naende, naboigo Zeezromu agachaka gotengechigwa. Na gokora amang’ana ya Amuleki, gose aya naro aria onsi nabete inkorika.