1. Erio egaika engaki Alima agachaka korwa amang’ana aya ase abanto, ritang’ani ase ense ya Zarahemula, korwa agwo agaetanana ense eria yonsi.

2. Na aya naro amang’ana aria akwanete ase ekanisa eria yachagetwe igaria ase omochie O Zarahemula, koreng’ana namang’ana aye ogoteba:

3. Inche Alima nachoretwe na tata, ng’a Alima koba omokuani omonene ase ekanisa y’Omonene Nyasae gokora aya, rigereria nabatebirie ng’a nigo achagete ekanisa ase chimbebe chia Nephi; ense eria ekorokwa ense ya Mormoni; na akababatisa abamwabo ase amache a Mormoni.

4. Na bono rigereria nabatebirie, nigo bakonyetwe korwa ase amaboko y’omorwoti noahu, ase amabera na chinguru chia Nyasae.

5. Rigereria nyuma ekero aya aera, bakabekwa ase obosibwa ase amaboko ya abalamani ase eroro; namaene nabatebirie mbabete ase obosomba naboigo Omonene akababoria korwa ase obosomba ase chinguru chiamang’ana aye; na tokaretwa ase ense eye, naigo tokaba togochaka ekanisa ya Nyasae ase ense eye yonsi boigo.

6. Nabono nabatebirie aba more ase ekanisa eye inse imoinyorete omochando obanyorete abaiso baino? Na imoinyorete amabera aye na okoremereria kwaye igoro yabo? Na imoinyorete ng’a obeire ogokonya emioyo yabo korwa chahanamu?

7. Rigereria oonchoire chinkoro chiabo; na obabokirie korwa ase chitoro chinene na babokire ase Nyasae. Rigereria nigo barenge ase omosunte korende chinkoro chiabo nigo chiarenge ase oborabu na nigo barenge baetanaine namakweri nechinyororo chiegesibo, na omochando okare na kare nigo obaganyete.

8. Na bono nababoririe inwe abaminto, ase baiteretwe? Rigereria, nabatebirie tibaitire.

9. Naende nigo inkoboria ng’ai omoganda bwa amakweri obunekerete, na chinyoroo chibasibete ing’ai chirasiboreru? Nabatebirie inchiasiboretwe na emiyo yabo yamentekire, erio bagachaka gotena nobwanchani. Nabatebirie ng’a goika bakonyeke.

10. Na bono nababoririe ngencho ki aba barabe bagokonyeka? Na ninchera ki barasemerie ogotoreka? Ninki keragere barusigwe ase amakweri, nemenyororo ya chahanamu?

11. Rigereria nabatebirie ng’a, inee tata Alima tegenete amang’ana aria arwetwe na omonwa bw’Abinadi? Inee ing’a tarenge omobani bwekeene? Inee takwanete amang’ana a Nyasae, na tata Alima akayegena?

12. Asengencho yokwegena kwane ogonchoreria okonene gogasoa ase enkoro yaye. rigereria nabatebirie ng’a aya nayekeene.

13. Naranderetie abaiso baino, na ogonchoreria okonene gogacha boigo ase chinko chiabo na bakaba abororo nakobeka okwegena kwabo ase Nyasae ore moyo na oyobwekeene. Aseigo nigo barenge abegenwa goika omoerio, aseigo bakanyara gokonyeka.

14. Nabono rigereria nababoririe inwe abaminto bekanisa, inee mwaiborwe ekeemoika ase Nyasae? Inee mwanyorire omogwekano oye ase more? Inee kwagokoreire ogonchoreria oko emeremo ase chinkoro chiaino?

15. Inee mwanya koorokia okwegena ase okoborigwa kwaye ere oria ogotongete? Inee norigereretie ase, okwegena neriso, na korora omobere oyo ogokwa koboka ase omobere otagokwa, na ekiogosareka nigo keraboke getasaregeti, gotenena ase obosio bwa Nyasae kogambigwa koreng’anigwa namakoro yomobere oyo ogokwa?

16. Nabatebirie inee imobe mokorengereria ng’a imwaigwete eriogi ri’Omonene, rigoteba ase more ase rituko riria ng’a: Ninchwo ase inde inwe abasesenirie, ekiagera emeremo yaino nigo kanya ere eyobochenu ase obosio bw’ense.

17. Inee imorengereretie ng’a imobe mokong’ainereria ase Omonene ase rituko riria, nagoteba – – Omonene emeremo yaito nigo kanya ere emiya ase obosio bwense – – na ere nabe okobakorera?

18. Gose kero kende nabo morarengererie inwe abanyene koretwa ase Nyasae nemioyo yaino eichire nabobe, more nokoinyora obobe bwaino, na obworo bwaino ase ogosaria ogochika kwa Nyasae.

19. Nabatebirie, inee imonyare korigereria igoro ase Nyasae ase rituko riria more nechinkoro na amaboko amarabu? Nigo nabatebirie imonyare korengereria igoro more nomobwekano o Nyasae ore ase egora yaino.

20. Inee nonyare korengereria ng’a notoreke ekero bwebegete ase okoigwera ebirecha?

21. Nabatebirie ng’a imomanyeti amatuko aria ng’a timogotoreka; monto tari orakonyeke gotatiga basibirie chianga koba chindabu; chianga chiabo goika chichenwe korwa ase erangi yonsi, goetera ase amanyinga aye oria okwanetwe na Tata, oyorache koboria abanto baye korwa ase ebibe biabo.

22. Na bono nababoririe, abaminto, inaki kera oyomo oino araigwe, onye ndiria mwatenena ase egora ya Nyasae, more nechianga chisibirie na amanyinga aikeranete? Rigereria, ebinto ebi ningo biratebe mamincha yaino.

23. Rigereria, inee tibagoteba ng’a nigo more abaiti, na nigo more abakori chingencho chionsi chibworo?

24. Rigereria abaminto imomanyete ng’a oyomo oino nabe ogoikaransa ase oborwoti bwa Nyasae, na Abrahamu, Isaaka, na Yakobo ababani abachenu, baria chiyanga chiabo chisibiri na chitari nekemoa?

25. Nabatebire, ng’a: gotatiga mwamobekire omotongi koba omorimo korwa omochakano, gose goteba ng’a nigo are omorimo, timoteba ng’a mbabe naase ase obonda, mbaserigwe na nigo bare abana ba saitani.

26. Rigereria nabatebirie, inwe abaminto onye mwaonchoire chinkoro chiaino, na gotera ogotera gw’okoborigwa, nimborie, imobe bo bono?

27. Inee mwanya gotara more abachenu ase Nyasae? Mwanya goteba ng’a nigo morangeire ase ogokwa bono, ime yaino mwanya goteba ng’a imore abororo? Ng’a chiganchwa chiaino chiasibigwe amo namanyinga a Kristo, oyorache koboria abanto baye korwa ase ebibe?

28. Rigereria nigo more noborori nabatebirie onye taribo timori konyorana na Nyasae. Goika monyare koba ang’e; ekiagera obonda bwaigoro ng’ang’e bore aseigo nabo moramoche obogima.

29. Inee nareo egati yaino onde otanya koba nemoko? Nabatebirie ekeene oyio tari ang’e; naboigo namoganeirie ng’a anyare koba ang’e, ekiagera ensa yaikire ange, na tamanyeti ekero egoika; oyonga oyo takonyorekana na bobe.

30. Naende nabatebirie, onde oino nareo egati yaino osekererete oyomwabo, gose akamotweka omochando?

31. Okoragererigwa ase omonto onga oyo, ekiagera tibeareganetie, na engaki ngocha ere arabe okoangama gose atanyare gotoreka.

32. Naboigo okoragererigwa kobe ase more abagokara ebibe; angama, angama ekiagera Omonene Nyasae oyakwanire.

33. Rigereria, agatoma kobachika abanto bonsi ekiagera amaboko y’Omonene nigo are igoro yabo, na nigo atebete ng’a: Angama nainche nimbaire.

34. Agateba ng’a: Ninchwo ase inde morie amatunda y’omote bwobogima; na imonywe na koria omogati bw’obogima bosa;

35. Ninchwo ase inde abu more nemeremo yaino yoboikeranu, na timokonyara gotugutwa ase omorero –

36. Rigereria engaki ngoika ere omonto oria otabwati amatunda amaya, gose oria otari gokora emeremo emiya, aye nemokore ere korera na kweng’ereria.

37. O inwe abakori ebibe mokobikorera ebinto biabosa biense, baria mogwekagera ng’a more nekeene na more ase omosunte, buna engondi etabwati omorisia etabwati ase eteneine, omorisia obarangeirie naende nao are okobarangeria, korende timokoigwa eriogi riaye!

38. Rigereria nabatebirie, ng’a omorisia omuya nkobarangeria are; na ase erieta riaye ria Kristo; na onye mokoigwa eriogi ri’omorisia omuya, ase erieta mokorokwa imobe ching’ondi chiomorisia omuya.

39. Na bono onye timori ching’ondi chiomorisia omuya, inee nericho riang’o more? Ekeene nabatebirie birecha nere omorisia oino, na nigo more aberiicho riaye; na bono ning’o orakane aya? Nabatebirie ng’a onde bwonsi orakane aya oyio nomorimo na omwana o’saitani.

40. Nabono nabatebirie ng’a keria kere ekiya nigo gekorwa ase Nyasae.

41. Aseigo onye omonto ogosokia amatunda amaya oyo nigo arigwerete eriogi riomorisia oye; na nigo akomotunyana; korende ere oyogokora amabe ere oyo nigo are omwana bwebirecha, ekiagera nigo akomoigwera, nakomobwatia.

42. Na onde bwonsi orakore aya nabe neng’eria yaye; aseigo eng’eria eye yaye nigo erabe eyamakweri; buna ebinto bikonyorekana ase oboikeranu, gokwa ase amang’ana amaya.

43. Bono abaminto, nigo naganirie monyare konyigwa, ekiagera nigo ingokwana ase chinguru chiomoyo one, na nakwanire ase more ng’a timogosaria, nagokwanwa koreng’ana namachiko a Nyasae.

44. Aseigo nigo narangerigwe erinde inyare gokwana amang’ana aya koreng’ana nogochikwa ogochenu korwa ase Nyasae aria are ime ya Kristo na nigo nachigetwe inyare gokwana amang’ana aya ase abanto aba, ebinto biria biakwanetwe na abatata igoro yebinto birabe bigocha.

45. Aya tari onsi. Imomanyete ng’a nigo imanyete amang’ana aya inche bweka omonyene? Nigo inkobamanyia ng’a nimanyete ebinto ebi nakwanire nigo bire ebiekeene. Inee inaki morakore momanye ng’a nimanyete ng’a nebiekeene?

46. Ekeene nigo imanyirie na Omoika Omachenu Onyasae. Manya ng’a nabeire inyeng’atete nagosaba amatuko amange erinde inyare komanya amang’ana aya inche bweka. Na nigo imanyete ng’a nigo are ayekeene; ekiagera Omonene Nyasae oyanyorokirie ere omonyene goetera ase Omoika oye; na oyo nomoika bw’okomanorerwa ore imeyane.

47. Na nigo inkobamanyia ng’a aya nigo abeire agocha ase inde, ng’a amang’ana konya ingokwana nigo are ayekeene koreng’ana nomoika bw’obobani ore ime yane, goetera boigo ase okoorokia kw’Omoika oNyasae.

48. Ekeene nabatebirie; namanyire inche bweka ng’a kende gionsi indakwane ase more igoro yakeria kerache, nigo kere egi’ekeene na namanyire ng’a Yesu Kristo nache oyore omwana, oye omomoima oise, ore namabera amange, na omorembe na ekeene. Na manya ng’a oyo nere orache koboria abanto, korwa ase ebibe biabo ebibe bioria oregene ase erieta riaye.

49. Na nabatebirie ng’a oyo noro omoreberio indangereirie kobaranderia abanene na abake, abasibore na abasibwa, naboigo abakoro na abatari abakoro na ase ekegori gegokina na korera ase bare ng’a goika banyare koangama na koiborwa eria kabere.

50. Rigereria omoika otebire ng’a: Angama inwe mwensi chinsinyo chiense, ekiagera obonda bwaigo ng’ang’e bore; omwana oNyasae agocha nobonene, nechinguru, na obobui. Ekeene nigo inkobatebia ng’a Omoika otebire ng’a: Rigereria obonene bwomorwoti bwense; na boigo omorwoti oigoro nabe ogocha na komesa bwongo egati ya bonsi abana ba mwanyabanto.

51. Naboigo omoika otebire aseinde na korera ase inde neriogi rinene, nagoteba ng’a: Genda ase abanto na obatebie ng’a, angama, onye timokoangama, timogosoa ase obonda bwa igoro.

52. Naende nabatebirie ng’a Omoika ontebirie ng’a: Rigereria egesire kiaimokigwe igoro ase okobutora emeri y’omote, aseigo kera omote oria otametie amatunda amaya nigo orabutorwe na gotugutwa ase omorero, omorero otagosira rigereria aya nomochenu oyakwanire.

53. Nabono abaminto nabatebirie imotige ebinto ebi; imobeke ebinto ebi na gotengenchia oyore omochenu inse ya amagoro aino, imonyare kobeka chinkoro chiaino ase obwerori, imogenderere kobeka chinkoro chiaino ase obwerori, imogendere kobeka chianga chiamagori na kobeka chikoro chiaino ase amang’ana abosa y’ense ase enibo yaino?

54. Inee imogenderere goteba ng’a nigo more abaya kobua abande, imotige gochanda abamino baria bare abororo na bagotara ase okobua kw’Omonene Nyasae ase baretirwe ase ekanisa bang’wansire n’Omoika, na korenta emeremo yokoang’ama –

55. Inee imotige koa abataka emegongo, na baria bare nokogania, na kobanga?

56. Aria onsi mogotiga ase obobe, nabatebirie ekeene ng’a mbareo bararutwe ase omorero, gotatiga baangamire bwango.

57. Na bono nabatebirie ng’a, baria more nokogania kobwatia eriogi riomorisia, karwe ase obobe, na gweatanana, na timokuna ebinto ebinyaka; manya ng’a amarieta abo narusigwe aroro, na amarieta abo baria abanyabibe takobarwa ase amarieta ya abachenu erinde nario amang’ana aNyasae araikerane, aria agoteba ng’a: Amarieta abo baria aboro takoburukana na marieta ya abanto bane;

58. Ekiagera amarieta ya abachenu nigo ararikwe ase egetabu kiobogima, na ase bare nimbae obomenyo ase okoboko kwane gwokorio bono abaminto ninki moratebe mamincha ya amang’ana aya? Nabatebirie ng’a onye mogokwana igoro ya aya, nigo ere bosa, korende ring’ana ria Nyasae goika riikerane.

59. Inee imorisia ki obwate chingondi na otachirendeti, esese yorosana etanyare gocha na koburukania riicho riaye? Na onye esese eyio yasoire ase riicho tokoyeseria? Na onye okogenda aroro goika emoite.

60. Na bono, nabatebirie ng’a omorisia omuya nigo akorangeria; na onye mokoigwa eriogi riaye nabe okobareta ase riicho riaye na imobe ching’ondi chiaye; na nabachike na timotiga esese embe esoe ase more, nario motariegwe.

61. Nabono inche Alima nabachikire ase enkwana yaye oyonchigete, erinde nario moranyare gokorera amang’ana aya nabeire nkobatebia.

62. Nakwanire erinde mobe ase ekanisa; na baria batari ase ekanisa nakwanire ase enchera yokobachika na goteba ng’a: ninchwo mobatiswe ase okoangama, erinde nario morabe abamokoira amatunda y’omote bw’obogima.