1. Bono omwana one, nimbwate make ingogotebia igoro yokoborigwa koria kwabeire gogokwanwa; rigereria abange babeire bakorwania amariko, na basirire ase engencho ya amang’ana aya. Na nigo imanyete ng’a ebirengererio biaino nigo bire nogokumia igoro ya amang’ana aya, aseigo nimbe inkobayatebia.

2. Nagotebirie aye omwana one omoroberio bwogotoreka nigo ore nekeene kia Nyasae; nigo gekoboria ng’a kera egento nkebe ase oboronge. Na nigo birure koreng’ana nechinguru na okobokigwa gwa Kristo erinde nario omoika bwomonto orairanigwe ase omobere oyo, na ebimo biomobere kobekwa amo.

3. Na nigo kere ekeene kia Nyasae ng’a abanto goika bagambigwe koreng’ana namakoro abo, na amakoro abo akoba amaya ase obogima obo, na okogania kwabo kobe okuya, ase amatuko y’omoerio mbaegwe ayare amaya.

4. Onye emeremo yabo ere eye ebibe, imbabe bakoba ase ebibe. Aseigo ebinto bionsi mbirugwe ase enchera egwenerete kera egento koreng’ana buna kere – – ekiomobere keraonchorwe koba ekiomoika, egegosareka koba egetagosareka – – kobekwa ase omogoko otakoera o’Nyasae gose gosoa ase ogosareka gotakoera kw’ebirecha, abande ensemo eyemo na abande ensemo ende –

5. Abande kobokigwa ase omogoko koreng’ana nomogoko obo, gose obuya ase obuya bwabo; na abande koba ebirecha koreng’ana nokogania kwebirecha naboigo eng’eria yaye neyebirecha ekero obotuko bogocha.

6. Na aya ase ensemo ende, onye okoangama ebibe biaye, na kogania obochenu goika omoerio oye, naboigo nigo araegwe eng’eria yaye yobuya.

7. Aba nabwo baria bakonyirwe n’Omonene; aba nabwo barusirie aroro abarusigwe ase igaria omoerio bw’egesunte kiobotuko boria; na gotenena gose kogwa; aseigo rigereria, nigo bare abanachi ebina babo boka abanyene, gokora amaya gose amabe.

8. Bono ekerengo kia Nyasae tikeri nomoerio; aseigo, enchera yarosigwe onde bwonsi aranyare gotara goika ase ogokonyeka.

9. Na bono rigereria, aye omwana one, tokora bobe bonde mamincha igoro ya amang’ana aya ya amorokererio aya, ayio kero kende moraire mokore ebibe.

10. Timwechanda ekiagera nigo akwanirwe koreng’ana no koborigwa, ng’a nario morabe mogokonywa korwa ase ebibe goika ase obuya. Rigereria nabatebirie ebibe tibikoba omogoko.

11. Na bono, omwana one, abanto bonsi baria bare ase okogania, gose intebe ng’a baria bare ase ebirengererio biomobere, nigo bare ase ekebao kiobororo na ase eora yebibe; tibari na Nyasae ase ense eye, na babeire mamincha y’okogania kwa Nyasae; aseigo nigo bare mamincha ase okogania kwomogoko.

12. Nabono rigereria, eye nero engencho yering’ana okoborigwa ase ebinto biomobere ase okobibeka ase ebinto bitari ebiomobere gose kobibeka mamincha yokogania kwaye.

13. Omwana one eye teri ngencho; korende engencho yering’ana ogotoreka nakobeka obobe magega, ase obobe gose ebirecha ase ebirecha – – mbuya ase obuya; oboikeranu ase aria are amaikeranu; ekeene ase ekeene; amabera ase keria kere namabera.

14. Aseigo omwana one rora nigo ore namabera ase abamino; kobakorera amaya kobagambia ase ekeene nagokora amaya botambe; onye mogokora aya rioka imonyore eng’eria yaino; na amabera nabe ase more naende; na ekeene nkebekwe ase more; na imotware ekina gie ekeene ase more na imonyore eng’eria engiya mono.

15. Na keria mokorwa imoiranerigwe nakoegwa; aseigo ring’ana okoborigwa nigo rikogambia abanyabibe na gotamoegera.