1. Erio egaika engaki bakogenda na gochaka korandia ring’ana ria Nyasae ase abanto, na gosoa ase chisinagogi na ase chinyomba chiabo naboigo bakaba bakoranda; enchiri ase chinchera.

2. Erio egaika engaki ase okoraa okonge bagachaka kobabua baria bare abataka; rigereria nigo baseretigwe korwa ase chisinagogi.

3. Naboigo bagakanigwa gosoa ase chinagogi na komosasima Nyasae bare bamigire; na abamuabo, ekiagera barenge buna ebinto biense naboigo nigo barenge abatoka chinkoro chiabo.

4. Erio buna Alima arenge koborokereria abanto ase egetunwa kia Onidah, erio ogacha omoganda omonene ase are, baria bare gokwanwa igoro yabo, ase bare mbarengeo abataka ase chinkoro chiabo, asengencho yobotaka bwabo na ebinto bionsi biense.

5. Erio bagacha ase Alima, na oria obaraete agateba ng’a: Inee ninki abaminto barakore ekiagera baseririe abamwabo asengencho yobotaka bwabo, mono ase abakuani na batoseririe korwa ase chisinagogi chiria twaagachete namaboko aito; na ase engencho yobotaka na titobwati ase togosabera na ninki torakore?

6. Ekero Alima aigwa aya akamorigereria erio bwango, ore nomogoko; ng’a emechando yabo yababekire koba abororo ekiagera barenge ang’e ase okoigwa ring’ana.

7. Ekiagera tatebete naende ase omoganda; orio akarambora okoboko kwaye, na korera ase bare, baria barenge nokoremereria nakobatebia:

8. Narorire ng’a nigo more inse ase chinkoro chiaino; na onye taibo mwasesenigwe.

9. Rigereria oyomino obeire ogoteba ng’a, ninki torakore? – – ekiagera twaserigwe korwa ase chisinagogi chiaito; totabe tokomosasima Nyasae oito.

10. Rigereria nabatebirie, timokumia ng’a timokosasima Nyasae onye timori ime ase chisinagogi chiaino.

11. Nonya naboigo, nigo nabasabire, timogania gosaba Nyasae ase echuma rimo rioka.

12. Nigo inkobamanyia, ng’a nigo ere buya gosokigwa korwa ase chisinagogi chiaino, erinde nario morabe more abororo, na nario moreorokie chisemi; ekiagera nigo ere nengencho kweorokia chisemi; eyio nero engencho yagerire mwaserigwe, erinde mobe mogochecherigwa nabamino ekiagera ki’obotaka bwaino, erinde monyare gotigara inwe mweka; aseigo nigo mwaretirwe erinde monyare koba abororo.

13. Nabono asengencho mwaretirwe ase obwororo mwasesenigwe; ekiagera ekero omonto asoire ase okwebeka inse nigo agocha ase okoangama; na bono ekeene onde bwonsi orabe okoangama narorerwe amabera; na oria orarorerwe amabera nakoremereria goika omoerio natoreke.

14. Bono nabatebirie ng’a ase engencho mwebegete ase oboitongo imosesenigwe, timokumia ng’a nigo mono ng’a nigo basesenirie ase engencho yobwororo bwabo.

15. Oria ore omwororo, na koangama ebibe biaye na koremereria goika omoerio nabe ogosesenigwa – – kobua baria bagoteba ng’a mbegenete ase engencho yobotaka.

16. Aseigo, basesenigwe baria abororo; na osesenigwe ere oria okwegena ase amang’ana y’Omonene na kobatiswa atari nenkoro embe, gose otari koretwa ase okomanya ring’ana, gose gotebigwa komanya bataregena.

17. Mbareo abange bagoteba ng’a: Koratworokie egekone korwa igoro erio ntomanye ekeene na intwegene.

18. Nababoririe, oko nakwo okwegena? ekeene nabatebirie onye omonto omanyete egento ngencho teiyo kwegena, ekiagera nakemanyete.

19. Nokoragererigwa kong’ana inaki ase oria origetie komanya okobua kwa Nyasae na tagokora, kobua oria okwegena rioka gose oria okorire kwegena na kogwa ase ogosaria?

20. Bono ebinto mobwenerete konachera. Rora nabatebirie ng’a nokoboko ase okoboko na nigo ekoba ase omonto koreng’ana nogokora kwaye.

21. Buna nakwanire igoro yokwegena – – okwegena tari ng’a onyore obong’aini obonene ase ebinto, onye more nokwegena nigo more nogosemeria ase keria motarochi ng’a nekeene.

22. Rigereria nabatebirie nigo nagania momanye ng’a Nyasae nobwamabera ase bonsi abegenete ase are, Aseigo inwe aba mwegenete ase ring’ana riaye.

23. Akabeka amang’ana aya ase bare goetera ase amaraika, tari abakungu boka korende nabasacha na aya tari onsi, abana abake bakaegwa amang’ana ase ogonhora obong’aini bwabo.

24. Inwe abaminto, moganeti komonya igoro yane, ninki morakore ekero morachandwe nagoserigwa – – timbatebeti ng’a nimbagambie ase aria are amaya –

25. Na timbatebetie ng’a timwanya koba abororo; korende ekeene inche nigo inyegenete ng’a mbareo egati yaino bare abororo, aseigo tiga babe boigo.

26. Buna nabeire ingokwana igoro yokwegena – – torenge obong’aini obuya – – nonya are namang’ana ane. Timokomanya ekeene kiaye ritang’ani, ase ekeene, kere kobua obong’aini bwekeene ase okwegena.

27. Korende, onye mokoba na kobokia ebirengererio biaino na komanya amang’ana ane, na koorokia ekwegena, namotatwara okogania naende, tiga okogania oko okobe ase more goika ekero nokorwa ribaga ase okoigwa amang’ana ane make.

28. Tiga toreng’anie ring’ana nembusuro onye mokorwa ribaga na embusuro erasimekwe ase more na onye ere embusuro yekeene gose engiya na onye gokoyetuguta ase ogotegena kwao, nigo orabe gokwanga omoika bw’omonene na nigo erabe ekogwa ase egekuba kiao na ekero okoigwa buya nigo orachake goteba aye bweka ng’a – – goika toganie embusuro eye nigo ere engiya, gose ring’ana eri nerigiya ekiagera riansire gokinia omoyo one nakong’igora okomanya kwane, na kong’orokia oborabu obonene ase inde.

29. Inee aya namoche komenta okwegena kwao? Ekeene nabatebirie, aya tarakina ase obong’aini obuya.

30. Korende buna embusuro ekobota, na komera, na gokina, erio goika monyare goteba ng’a embusuro nengiya; ekiagera yabotire nakomera, na gokina.

31. Nabono rigereria imore nekeene ng’a embusuro eye nengiya? Nabatebirie ng’a kera embusuro nigo egosokia omobwekano oye.

32. Aseigo, onye embusure egokina eye nigo ere engiya, korende onye teri komena eye nigo ere embe, na nigo eratugutwe.

33. Rigereria asengencho mwayetemire, nakoyesimeka na yabotire na komera na gochaka gokina, goika mobe mokomanya ng’a embusuro eye nengiya.

34. Rigereia inee obong’aini bwaino nobuya? Ee obong’aini bwaino nobuya ase ebinto ebi, na okwegena kwaino nigo kore okorito; na asengencho momanyete, mwamanyire ng’a ring’ana riabotire ase emioyo yaino, na mwamanyire ng’a riamerire, na okomanya kwaino bono gwachakire gokina, na ebirengererio biaino komenteka.

35. O kero kende tari ayekeene? Nabatebirie ng’a ee erengencho are oborabu, na kende gionsi ekerabu nigo kere ekiya; ekiagera nigo gekomesa, aseigo goika momanye ng’a nigo kere ekiya, na ekero morateme oborabu obo obongaini bwaino nigo bore oboikeranue.

36. Rigereria nabatebirie ng’a timobeka okwegena kwaino ao, ekiagera mwatemire embusuro eye na mwamanyire ng’a embusoro eye nigo yarenge engiya.

37. Koreng’ana buna omote ogokina, imobe mogoteba ng’a: Tiga toyorende, erinde nario emeri erabeo, nario orakine na koreta amatunda ase tore. Na manya ng’a onye mokoyorenda nobe okonyora emeri nagokina, na koreta amatunda.

38. Korende onye mokoyotiga omote oyo na timoyorenda manya ng’a togosokia emeri, na ekero omobaso ogocha ase ore, asengencho emeri etaiyo nigo orome, na inwe imobe mokoyobutora na koyotuguta.

39. Tari ing’a embusuro nigo yarenge embe, gose ng’a amatunda aye nigo arenge amabe; korende nasengencho omondo oino nigo ore omogomba, onye timokoyoburugera omote oyo, aseigo tomokoria amatunda aye.

40. Naboigo onye timokoroseria ringana, nakorigereria bosio na eriso riokwegena ase amatunda arabe timokonyara kobutora amatunda yomote bw’obogima.

41. Onye mokoriburugera ring’ana eri, nigo okorageria omote na koyokora goikina, ase okwegena kwaino more nobong’aini, na okoremereria, na korigereria bosio ase amatunda arame, nigo erarete emeri na nobe omote okoba goika ase obogima bwa kare na kare.

42. Na ase engencho yobong’aini bwaino na okwegena, na okoremereria ase okoyoroseria omote oyo, erinde nario oraorokie emeri ase more, manya ng’a bwango ase bwango imonyore amatunda aria are ayengencho, aria are amansu ase obwansu bwonsi na amarabu kobua amarabu, na amaya kobua amaya onsi, na erio imorie amatunda aya goika mwaigotire korwa ase enchara na timokorang’a.

43. Aseigo abaminto imogese ase okwegena, na obong’aini bwaino, na okoremereria, na ase okoganya omote oria koreta amatunda ase ore.