1. Erio Alima oria otamete korwa ase abasomba ba Noaha, akaangama ebibe biaye na obobe bwaye, na kogenda bobisi egati ya abanto, na gochaka koborokereria amang’ana y’omonto okorokwa Abinadi –

2. Igoro ya aria arenge gocha-gocha naboigo igoro y’okobokigwa kwa abakure, na okoborigwa kwa abanto, ok’we kware gocha goetera ase chinguru, na ogochandeka, na ogokwa gwa Kristo, na okobokigwa kwaye n’okoirwa igoro kwaye.

3. Naboigo abarge bakaigwa ring’ana riaye aorokereretie. Na nigo aborokereretie bobisi; ng’a amang’ana aya tomanyekana ase omorwoti. Naboigo abange bakaba bakwegena ring’ana riaye.

4. Erio buna abange begena bakaba bakogenda goika aase akorokwa Mormoni, na babeire banyorire erieta eri korwa ase omorwoti, abwe arenge ang’e nechimbebe chiense eyio, bare bakorigia, engaki ase engaki ching’iti chiorosana

5. Abwe aase a Mormoni mbwarengeo oboroso bwa amache amaya, na Alima akagokigwa naroro, aria ang’e namache ebitutu bi’emete mbiarengeo, abwe ase ebisete ase ekero kiamobaso korwa ase okorigigwa kwaye n’omorwoti.

6. Erio buna abange begena ase are bakagenda naende koigwa amang’ana aye.

7. Erio ekero kiaera amatuko atai make omoganda omuya ogacha amo ase aase amormoni, koigwa amang’ana a Alima. Bonsi abachete agwe bakegena ring’ana riaye na komoigwa. Na erio akaba okoborokia na kobaranderia okoangama, na okoborigwa na okwegena ase Omonene.

8. Erio agakwana ase bare ng’a: Rigereria, igaa nareo amache a Mormoni (buna are korokwa) na bono, buna mwaganirie gocha ase obonene bwa Nyasae, na korokwa abanto baye, na koba ang’e koigwa okogania gwa kera oyomo, na borobwo babe abekeene;

9. Na nigo bare n’omoyo korera nabaria baganetie okoremigwa, na gotenena buna birori ba Nyasae kera engaki ase ebinto bionsi, na kera aase mobeo, goika ogokwa, nario moraborigwe na Nyasae nakoborwa nabaria bokobokigwa ogotang’ani na konyora obogima bwa kare na kare –

10. Bono nabatebirie, onye aya akoba okogania gwechinkoro chiaino, ninki kerabe mamincha y’okobatiswa ase erieta ri’Omonene, buna kirori mwasoire ase okobwatana amo nere, ng’a imomokorere na koyarendo amachiko aye, ng’a nario ara yorwe omoika ase more?

11. Erio ekero abanto baigwa amang’ana aya, bagaaka chinkobi ase omogoko, na koiririata: Aya naro are ase okorengereria gwe chinkoro chiaito.

12. Erio Alima akamoira Helamu, oyio orenge oyomo bweritang’ani, akagenda na agatenena ime ase amache na korera, ase ogoteba O, Omonene, yoitere Omoika oo ase omosomba bao, erinde nario arayakore aya ase enkoro enchenu.

13. Ekero akwanire amang’ana aya Omoika bw’Omonene okaba igoro yaye, na agateba ng’a: Helamu, nakobatisire imbwate okobua korwa ase Omonene Nyasae, ase oborori ng’a gwasoire ase okobwatana nere na komokorera goika gwakure ase omobere oyo; na tiga Omoika oiche ase ore; na tiga abeke asore obogima bwa kare na kare, goetera ase okoborigwa gwa kristo, oria abegete ang’e korwa oboroso bwense.

14. Erio ekero Alima akora gokwana amang’ana aya, bonsi Alima na Helamu bakainekwa ime ya amache; na bakaimoka nakorwa aroro; bare nomogoko bw’ogoichorwa n’Omoika.

15. Naende, akaira oyonde na akagenda goika ase amache ime, na akamobatisa koreng’ana buna ritang’ani, gotatiga teinegetie ere omonyene naende ase amache.

16. Aseigo akaba okobatisa kera oyomo oria ochiete aase igaria a Mormoni; na nigo barenge emioyo amagana abere na ene. Na bakabatiswa ase amache amormoni, nabagaichorwa amo n’obuya bwa Nyasae.

17. Na bakarokwa ekanisa ya Nyasae gose ekanisa ya Kristo, korwa engaki eyio kogenderera. Na ekoro babatisirwe nechinguru na okobua kwa Nyasae bakamentwa ase ekanisa yaye.

18. Erio egaika engaki Alima akoinyora okobua korwa ase Nyasae, nagochora abakuani; nonya n’omokuani oyomo ase emerongo etano ase omobaro obo akabachora korandia ase bare, na koborokia igoro y’ebinto bibwataine n’oborwoti bwa Nyasae.

19. Akabachika tiborokereria kende gotatigo keria abatebetie borokie, na keria kiabeire gegokwanwa n’omonwa bw’ababani abachenu.

20. Naboigo akabachika ng’a tibarandia kende gotatiga ase okoangama na okwegena ase Omonene oria obaboretie abanto babo.

21. Na akabachika ng’a riomana tiriba ase egati yabo, korende barigererie bosio neriso erimo, bare n’okwegena okomo n’ebatiso eyemo, bare abachenu ase chinkoro chiabo na koba amo ase obomo, n’obwanchani barobwo ase barabwo.

22. Naboigo akabachika korandia; na bakaba abana ba Nyasae.

23. Naboigo akabachika ng’a babe bakorenda rituko riesabato, koba richenu, nakera rituko komoakera Omonene ng’a mbuya mono.

24. Naboigo akabachika ng’a abakuani baria achorete babe bagwekora ase ogwekonya.

25. Na ndiarengeo rituko erimo ase echuma riachoretwe eribakonyorana amo ase okworokereria abanto, na komosasima Nyasae obo, naboigo nigo, yarenge ase chinguru chiabo konyorana amo.

26. Na abakuani tibarigereretie abanto ase ogokonywa; korende ase ogokora kwabo bakanyora obuya korwa ase Nyasae, ase okobakong’ia nagokina ase omoika, bare n’obong’aini bwa Nyasae, ng’a nario baranyare kworokereria ase chinguru na okobua gokorwa ase Nyasae.

27. Naende Alima agachika ng’a abanto bekenisa banyare korwa keria babwate, kera oyomo koreng’ana na keria abwate; onye obwate ebinge goika arwe ase obonge; na oria obwate ebike, ibike ebio mbiganerigwe; noria otabwati abe okoegwa.

28. Naboigo goika barwe keria babwate ase obosibore bw’okobua kwaye n’ebirengererio biaye ebiya ase Nyasae na ase abakuani baria bateneine ase okogania, na ase okogania konde gwonsi, omoyo ore bosa.

29. Na amang’ana aya nigo akwanete ase bare ochikire na Nyasae; na bakaba bagokora buya ase obosio bwa Nyasae, kobatebia abande ase ekemobere na ase ekemoika koreng’ana n’okogania kwabo na buna batagete.

30. Erio ekero aya akorekana ase aria Mormoni, ang’e nase amache a Mormoni, ase orosana rwarenge ang’e n’ase amache a Mormoni; aase a Mormoni, amache a Mormoni, inaki are amaya ase amaiso ya baria bagocha ase obong’aini bw’omoboria obo; na inaki basesenigwe, ekiagera baratore ogotogigwa kwaye kare na kare.

31. Na ebinto ebi nigo biakoregete ase chimbebe chiense eria, ng’a nario batamanye obong’aini bw’omorwoti.

32. Korende rigereria, egaika ekero omorwoti akomanya orogendo egati y’abanto, na agatoma abasomba baye kobarenda. Aseigo ekero kia mogaso nigo babete amo ase okoigwa ring’ana ri’Omonene korende bakaba bakomanyekana ase omorwoti.

33. Na bono omorwoti agateba ng’a Alima obabekire abanto koba mamincha yaye, aseigo agatoma abasikari baye ase okobasiria.

34. Erio Alima nabanto b’Omonene bakaimoka igoro korora ogocha kwa abasikari b’omorwoti; aseigo bakabogoria chiema chiabo na emechi yabo na kong’anya gochia eroro.

35. Na nigo barenge ase omobaro obo ang’e amagana ane na merongo etano.