1. Erio ekero Abinadi akora enkwana eye, aria aria omorwoti agachika ng’a abakuani bamoire na goteba ng’a abekwe ase amakweri.

2. Korende narenge egati yabo erieta riaye alima, oyio boigo ore oroiboro rwa Nephi. Na nigo arenge omosae omoke, na nigo egenete amang’ana akwanetwe na Abinadi ekiagera konya omanyire igoro y’obobe Abinadi akwanete manincha yabo; agachaka gokwana n’omorwoti ng’a taba n’obororo ase Abinadi, korende ayatige ase omorembe.

3. Korende omorwoti nigo arenge nendamwamu mono, na agachika ng’a alima asokigwe isiko korwa ase bare, na gotoma abasomba nyuma ase are erinde banyare komoita.

4. Korende agatama korwa ase bare nakwebisa ng’a mbamonyora, na asengencho abete amatuko amange akarika amang’ana onsi Abinadi abete ogokwana.

5. Erio omorwoti akabachika abarendi baye bamoetanane Abinadi na komoira; erio bakamosiba nakomoruta echera ime.

6. Ekero kiamatuko atato aerire, ekero bakwanire amo na abatanani baye agachika naende abe okoretwa ase obosio bwaye.

7. Naende akamotebia ng’a: Abinadi, twanyorire ogosoerwa mamincha yao, na nigo ore oyobwogokwa.

8. Ekiagera gwatebire ng’a Nyasae bweka na ase abana bamwanyabanto; naigo ase engencho eye goika obekwe ase amakweri gotatiga kwayairanirie amang’ana aria amabe onsi gwakwanete mamincha yane amo nabanto bane.

9. Erio Abinadi akamotebia ng’a: Nigo ingogotebia ng’a tinkonyara koyairania amang’ana aya nakwanire ase ore igoro ya abanto aba, ekiagera nigo are ayekeene; na manya ekeene kiabo, inche nachandekire omonyene ng’a imbe ngocha ase amoboko ao.

10. Na goika inchandeke goika ogokwa, na tinkoirania amang’ana ane, na natenene buna oborori mamincha yaino. Na onye mokong’ita nigo moraitere amanyinga amachenu, naya boigo natenene buna oborori mamincha yaino ase amatuko y’omoerio.

11. Erio omorwoti Noaha akaba ang’e komosibora ekiagera airogete ring’ana riaye; ekiagera airogetie ng’a ekina kia Nyasae nigo kerabe igoro ase are.

12. Korende abakuani bagaaka eriogi mamincha yaye, na gochaka komosoera, bagoteba: Ochayire omorwoti. Aseigo naende omorwoti akamentwa obororo mamincha yaye, na komorwa erinde anyare goitwa.

13. Erio bakamobwata nakomoira na komosiba, na koriniaroria risankwa riaye, goika agakwa.

14. Ekero omorero ochaka komosamba, akarera nagoteba ase bare ng’a:

15. Rigereria, buna mwakorire ase inde, aseigo nebe egoika engaki oroiboro rwaino roragere abange bachandeke goika obosareru bw’ogokwa ase omorero; na nase engencho y’okwegena ogotoreka kw’Omonene Nyasae obo.

16. Na neike engaki inwe inwensi morabwatwe namarwaire yechingencho chionsi ase engencho y’ebibe biaino.

17. Naboigo inamoitwe karwa ase kera okoboko, na moserigwe na gosiarerekana aria naria, koreng’ana buna amaicho yeching’iti agosiarerekana ase ogoserigwa neching’iti chintindi.

18. Na ase rituko erio imobe mogotwarwa, na imoirwe namaboko ya ababisa baino, na nainwe imochandeke, obosareru bw’ogokwa ase omorero.

19. Nyasae naitere okoragererigwa n’amarwaire ase baria bakobaita abanto baye.

20. Ekero Abinadi akora gokwana amang’ana aya, akagwa inse, na gochandeka ase ogokwa kw’omorero; ase okobekwa ase amakweri asengencho atanyarete gokana amachiko a Nyasae, ase okobekwa omouri bwekeene ase amang’ana aye ase ogokwa kwaye.