An Libro Ni Helaman

1 Ngan yana ine nahitabo hadton 86 katuig, an mga Nephite in nagpabilin la ngahaw ha karaotan, sugad man, ha duro nga karaotan, samtang an mga Lamanite in mahugot nga nagsusunod han mga kasugoanan han Diyos, subay han balaod ni Moises.

2 Ngan ine nahitabo nga hine nga tuig mayada usa nga Samuel, usa nga Lamanite, nga umabot ha katunaan han Zarahemla, ngan nagtikang hin pagwali ngadto han mga tawo. Ngan ine nahitabo nga hiya in nagwali, ha sakob hin damo ka adlaw, han pagbasul han mga tawo, ngan hiya in ira ginpalayas, tipagawas ngan hiya in haros umoli na ha iya kalugaringon nga katunaan.

3 Kundi dagmit, an tingog han Ginoo in umabot ngadto ha iya, nga kinahanglan hiya an bumalik ngahaw, ngan magtagna ngadto ha mga tawo hin ano man nga mga hitabo nga masulod ha iya kaburut-on.

4 Ngan ine nahitabo nga waray nira tugoti nga hiya in makasulod ha siyudad; sanglit hiya in dumayon nga sinmaka didto han pader, ngan igin-unat an iya kamot ngan gumoliat ha tingog nga makusog, ngan nagtagna ha mga tawo hin bisan ano nga mga nahuna-huna nga iginbubutang han Ginoo ha iya kaburut-on.

5 Ngan nagsiring hiya ngadto ha ira: Pamati, ako, hi Samuel, an Lamanite, nga nagyakan han mga tugon han Ginoo nga iya ginpasulod ha akon abilidad; ngan kamatuoran hiya an nagpasantop ngada ha akon abilidad agud igsumat ngadto hine nga mga tawo ngan an espada han katadungan in nakabitay ha bawbaw hine nga mga tawo; ngan 400 katuig an dire malabay labot la kun an espada han katadungan in makakaigo ngadto hine nga mga tawo.

6 Oo, ngan duro nga karat-an an naghuhulat hine nga mga tawo, nga ine in piho nga maabot ngadto hine nga mga tawo, ngan waray makakatalwas hine nga mga tawo labot han pagbasul ngan pagtuo ha Ginoo Jesucristo, nga piho an pag-abot dinhe ha kalibutan, ngan mag-aantos hin damo nga mga kakurian ngan papatayon tungod han iya mga tawo.

7 Ngan kamatuoran, usa nga anghel han Ginoo in nagsumat ngadto ha akon, ngan hiya in nagdara hine nga maupay nga sumat para han akon kalag. Ngan kamatuoran, ako in iginpadara agud magsumat ha iyo, agud magkamayada kamo hin malipayon nga sumat; kundi kamatuoran dire niyo ako ginkakarawat.

8 Sanglit, nagsiring an Ginoo: Tungod han kamatig-a han mga kasingkasing han mga tawo nga mga Nephite, labot la kun hira in magbasul babawion ko an akon mensahe ha ira, ngan ihaharayo ko an akon Espiritu ha ira, ngan dire ko na matutugotan pa, nga akon wawaringon an mga kasingkasing han ira kabugtoan kontra ha ira.

9 Ngan 400 katuig in dire malabay san-o ko buhaton nga hira in maghingaraot; oo, ngan bibisitahon ko hira nga may espada ngan kagutom ngan magpakamaratay.

10 Oo, ngan bibisitahon ko liwat hira ha akon duro nga kasina, ngan mayada hadto ha ira ika upat ka tulin nga mabubuhi, ha iyo mga kaaway, para kitaon an karat-an; ngan ine in piho nga maabot labot la kun kamo in magbasul, siring han Ginoo; ngan adton aada ha ika upat nga tulin in amo an magdadara han iyo paghingaraot.

11 Kundi kun kamo in magbasul ngan bumalik ha Ginoo nga iyo Diyos ihaharayo ko an akon kasina, siring han Ginoo; oo, ngan amo ito an siring han Ginoo, bulahan adton nagbabasul nga maharani ha akon, kundi kairo niya nga dire nagbabasul.

12 Oo, ngan kairo hine nga dako nga siyudad han Zarahemla; kay tinuod, tungod han mga buotan sanglit ine in natalwas; oo, ngan kairo hine nga dako nga siyudad, kay nahisabotan ko, siring han Ginoo, nga damo, sugad man, bisan an dako nga bahin hine nga bantugan nga siyudad, magtig-a an mga kasingkasing kontra ha akon, siring han Ginoo.

13 Kundi bulahan adton nagbabasul, kay hira in tatalwason ko. Kundi labot la, kun dire tungod han mga buotan hine nga dako nga siyudad, kamatuoran, akon hihimoon nga an kalayo in lumusad tikang ha langit ngan gubaon ine.

14 Kundi labot la, ine in mahitungod han mga magtadong sanglit ine in gintalwas. Kundi kamatuoran, maabot an panahon, siring han Ginoo, ngan kun san-o niyo pagagawson an mga magtadong ha hugpo niyo, sugad nga kamo in hinog para ha karat-an; Oo, ngan kairo hine nga bantugan nga siyudad, tungod han magraot ngan mangil-ad nga aada hine.

15 Oo, ngan kairo hadton mga aadto ha siyudad han Gideon, tungod han ira karaotan ngan mga kamangil-ad nga aada hine.

16 Oo, ngan kairo ngadto han ngatanan nga siyudad nga aada ha palibot nga katunaan, nga gintatag-iya han mga Nephite, tungod han karaotan ngan kamangil-ad nga aada ha ira.

17 Ngan kamatuoran, may sumpa nga maabot ha katunaan, siring han Ginoo han mga Hukbo, tungod han mga binuhatan han mga tawo nga aada ha bawbaw ha tuna, ngan liwat, tungod han ira karaotan ngan han ira mga sala.

18 Ngan ine nahitabo, siring han Ginoo han mga Hukbo, sugad man, an aton bantugan nga ungod nga Diyos, nga hin-o man nga magtago han mga bahandi han kalibutan in dire na adto mabibilngan ngahaw, tungod han duro nga sumpa ha katunaan, labot kun hiya nga usa nga matadong nga tawo ngan itatago ito ngadto ha Ginoo.

19 Kay karuyag ko, siring han Ginoo, nga itatago nira an ira mga bahandi ngada ha akon; ngan igsusumpa hira nga dire magtatago han mga bahandi, kay waray magtatago han bahandi ngada ha akon; labot la han mga buotan; ngan hiya nga dire nagtatago, han iya mga bahandi ha akon, susumpaon hiya, ngan liwat an karikohan, ngan waray makakagtubos hadto tungod han sumpa han katunaan.

20 Ngan maabot an panahon nga ira itatago an ira mga bahandi, kay nahabutang ha ira mga kasingkasing an ira mga karikohan; ngan tungod nga nahabutang an ira mga kasingkasing ha ira mga karikohan, ngan itatago nira an ira mga karikohan ha pagpalagiw ha atubangan han ira mga kaaway; kay dire nira tatagoon adto ngada ha akon, susumpaon hira ngan sugad han ira mga karikohan; ngan hadto nga panahon hira in pagdadarahogan, siring han Ginoo.

21 Pagbantay, kamo nga mga tawo hine nga dako nga siyudad, ngan pamati han akon mga tugon; oo, ngan manmati han mga tugon nga ginyakan han Ginoo; kay kamatuoran, nasiring hiya nga kamo in iginsusnmpa tungod han iyo karikohan, ngan sugad man an iyo mga karikohan in iginsumpa tungod nga iyo nahabutang an iyo mga kasingkasing ha ira, ngan waray manmati hadton mga tugon niya nga naghatag ha iyo hadto.

22 Dire niyo nahinunumduman an Ginoo niyo nga Diyos han mga butang nga iginbendisyon niya ha iyo, kundi permi niyo nahinunumduman an iyo mga karikohan, dire agud magpasalamat ha Ginoo nga iyo Diyos tungod hadto; oo, ngan an iyo mga abilidad in dire nadadara ngadto ha Ginoo, kundi in dumako lugod ha pagtapod, ha parayaw, ngan duro nga pagdako, mga kaipa, pag-aaway, malisya, pagtimaraot, ngan mga pagpatay, ngan an ngatanan nga klase hin mga sala.

23 Ha hine nga hinungdan an Ginoo nga Diyos in nagsumpa hine nga maabot ha tuna, ngan sugad man ha iyo mga karikohan, ngan ine in tungod han iyo mga sala.

24 Oo, ngan kairo hine nga mga tawo, tungod hine nga takna nga umabot, nga iyo ginpalayas an mga propeta, ngan gindurugasan hira, ngan ginlabay hin bato hira, ngan ginpapatay hira, ngan ginbubuhat an ngatanan nga klase hin pagpakaraot ngadto ha ira, sugad liwat han ginbuhat nira hadton una nga panahon.

25 Ngan yana kun kamo in nagyayakan, kamo nasiring: Kun an amon mga henerasyon hadto pa han mga henerasyon han amon kaapoy-apoyan hadton una nga mga panahon, bangin waray namon pataya an mga propeta; bangin waray namon hira pagbatoha, ngan palayasa ha gawas.

26 Kamatuoran kamo in sobra pa ha ira; kay samtang an Ginoo in nabubuhi, kun an propeta in umabot ha hugpo niyo ngan iginpasamwak ha iyo an tugon han Ginoo, nga nagpapamatuod han iyo mga sala ngan mga karaotan, kamo in nasisina ha iya, ngan ginpapalayas hiya ngan nanmiling han ngatanan nga klase hin paagi hin pag-among-among ha iya; oo, ngan sisidngon niyo nga hiya in usa nga dire tinuod nga propeta, nga hiya in usa nga makasasala, ngan tikang ha yawa, kay hiya in nagpapamatuod ngan an iyo mga buhat in magraot.

27 Kundi pamati, kun an usa nga tawo in umabot ha hugpo niyo nga nagsisiring: Buhata ine, ngan waray karaotan; buhata ito ngan dire ka magsasakit; oo, ngan iya isisiring: Lakat subay han kahataas han iyo mga abilidad; oo, ngan lakat subay han karuyagon han iyo mga mata ngan buhata an bisan ano nga hingyap han iyo mga abilidad — ngan kun an tawo in umabot ha butnga niyo ngan magsiring hine, iyo kakarawaton ito, ngan masiring nga hiya in usa nga propeta.

28 Oo, ngan aalsahon niyo hiya, ngan mahatag kamo ha iya ngadto han iyo mga katigayonan; mahatag kamo ngadto ha iya han iyo mga bulawan, ngan han iyo mga salapi, ngan pagdudugnitan niyo hiya hin marahalon nga mga panapton; ngan kay hiya in nagyakan hin damo nga mga pagdayaw ha iyo, ngan iya igsisiring nga an ngatanan in mag-upay, kun sugad waray niyo nakikita nga maraot ha iya.

29 O kamo nga mga magraot ngan maglaris nga katulinan; kamo nga magtig-a ngan sutil nga mga tawo, tubtub san-o it iyo kasiring nga it Ginoo in magaantos ha iyo? Oo, ngan tubtub san-o niyo tutugotan nga an iyo mga kalugaringon in pagdadad-on han mga lurong ngan mga buta nga tig-alugbay? Oo, ngan tubtub san-o niyo pipilion an kasisidman kontra han kalamragan?

30 Oo, ngan kamatuoran, an kasina han Ginoo in naglalarab kontra ha iyo; kamatuoran, iginsumpa na niya an tuna tungod han iyo karaotan.

31 Ngan kamatuoran, maabot an panahon nga susumpaon niya an iyo karikohan, nga adto in magigin madalunot, nga dire niyo makakaptan; ngan ha mga henerasyon han iyo kakablasan dire na ito magpapabilin ha iyo.

32 Ngan han mga panahon han iyo kakablasan kamo in manginginyupo ngadto ha Ginoo; ngan waray pulos an iyo panginyupo, kay an iyo kabidoan in aada na ha iyo, ngan an iyo pagsakit in piho; ngan pagkahuman kamo in magtatangis ngan magbabakho hadto nga panahon, siring han Ginoo han mga Hukbo. Ngan liwat kamo in magbibinasul, ngan masiring:

33 O kun ako in nagbasul, ngan waray magpatay han mga propeta, ngan nanbato ha ira, ngan nagpalayas ha ira. Oo, ngan hadto nga panahon isisiring niyo: O kun amon nahinumduman an Ginoo nga amon Diyos hadto nga panahon han ighatag niya ha amon an amon karikohan, ngan kun nasugad dire unta adto nagin madalunot ngan mawara ha amon; adto kay sigurado, an amon mga karikohan in nawara ha amon.

34 Kamatuoran, kami magbubutang hin usa nga higamit dinhe ngan ha kinabuwasan ine in waray na; ngan dagmit, an amon mga espada in ginkuha ha amon ha panahon nga ginpapamiling namon adto para han aragway.

35 Oo, ngan igintago namon an amon mga karikohan ngan ine in nawara ha amon, tungod han sumpa han katunaan.

36 O kun kami an nagbasul ha panahon nga an tugon han Ginoo in umabot ha amon; kay sigurado an katunaan in iginsumpa, ngan ngatanan nga butang in nagin madalunot, ngan dire namon adto nakakaptan.

37 Kamakaharadlok, kami in napapalibotan han mga yawa, oo, ngan kami in napapalibotan han mga anghel hadton nag-uungara nga puohon an amon mga kalag. Kamatuoran, an amon karaotan in duro. O Ginoo, dire ba mahimo nga kuhaon nimo an kasina ha amon? Ngan sugad hine an iyo mayayakan hadto nga mga panahon.

38 Kundi kamatuoran, an mga panahon han iyo pagproyba in naglabay na; iyo ginpalabay an panahon han iyo katalwasan ngada nga ine in hingpit nga nagin urhi na, ngan an iyo paghingaraot in piho na; oo, ngan kay iyo igin-ungara ha ngatanan nga mga panahon ha iyo mga kinabuhi adton dire niyo maaangkon; ngan kamo in nag-uungara hin kalipayan ha pagbuhat hin karaotan, an nahuna-huna nga kabaligtaran han kinaiya han katadongan nga aada ha aton bantugan ngan waray Katapusan nga Mangulo.

39 O Kamo nga mga tawo han tuna, nga nakakabati han akon mga tugon! Ngan nagaampo ako nga an kasina han Ginoo in makuha dida ha iyo, ngan kamo in magbasul ngan matalwas.