1 Ngan yana, ine nahitabo nga damo an nakabati han mga tugon ni Samuel, an Lamanite, nga iya ginyakan ha bawbaw han pader han siyudad. Ngan samtang damo an tinmuod ha iya tugon amo man an nasingadto ngan nagbiling kan Nephi; ngan han hira in masingadto nga nahibilngan hiya ira iginsumat ha iya an ira mga sala ngan waray igin lirong, naruruyag nga hira in mabunyagan ngadto ha Ginoo.

2 Kundi kun ano hin kadamo in waray tumuod han mga tugon ni Samuel in amo an nasina ha iya; ngan ira hiya ginlabay hin mga bato ha bawbaw han pader, ngan damo liwat an nagpana ha iya samtang nga hiya in natukdaw ha bawbaw han pader; kundi an Espiritu han Ginoo in nakada ha iya, nga diin waray hira pakaka-igo ha iya han ira mga bato ngan mga pana.

3 Ngan yana han ira makita nga dire hiya naiigo, damo pa an tumuod han iya mga tugon, salit hira in nasingadto kan Nephi agud magpabunyag.

4 Kay waray pagkahadlok, hi Nephi in nagbubunyag, ngan nagtatagna, ngan nagwawali, nagaghat han mga tawo nga magbasul hira, nga nagpapakita hin mga tigaman nga mga urusahon, nagbubuhat han mga milagro ha kadam-an han mga tawo, agud mahibaroan nga hi Cristo in angay umabot —

5 Nagsusumat ha ira hadton mga hitabo nga piho nga maabot, nga ira hibaroan nga hinumduman an takna nga ira pag-abot nga hadto in iginpahibaro ha ira, ha panuyo nga hira in tumuod; sanglit an kadam-an nga tumuod han mga tugon in Samuel in nasingadto ha iya agud mabunyagan, kay hira in humarani nga nagbabasul ngan gin-aako an ira mga sala.

6 Kundi an dako nga bahin ha ira in waray tumuod han mga tugon ni Samuel; salit ha nakita nira nga dire naiigo han ira mga bato ngan mga pana, nagguliat hira ngadto han ira mga mangulo, nga nagsisiring: Dakpa ine nga tawo ngan igapos hiya, kay tuod mayada niya diyablo; ngan tungod han gahum han yawa nga aada ha iya dire namon hiya naiigo han amon mga bato ngan mga pana; sanglit dakpa hiya ngan igapos, ngan kuhaa hiya.

7 Ngan samtang nga hira in naharani agud makaptan hiya, dagmit, hiya in lumayog tikang ha pader, ngan pumalagiw tikang han ira katunaan, ngan liwat, bisan ngadto han iya kalugaringon nga bungto, ngan nagtikang pagwali ngan pagtagna ha iya kalugaringon nga mga tawo.

8 Ngan tinuod, waray na hiya hibatii pa han kadam-an nga mga Nephite; ngan sugad an mga panhinabo han mga tawo.

9 Ngan ha sugad natapos an ika 86 katuig nga pagdumara han mga hukom ha bawbaw han mga tawo ni Nephi.

10 Ngan ha sugad natapos liwat an ika 87 katuig han pagdumara ha mga hukom, an kadam-an han mga tawo in nagpabilin han pagpinahataas ngan karaotan, ngan an gutiay nga bahin in nagpadayon paglakat nga naghihirot ha atubangan han Diyos.

11 Ngan sugad liwat hine an kamutangan, ha ika 88 katuig han pagdumara han mga hukom.

12 Ngan nagkamayada kundi gutiay nga pagbabag-o han mga buruhaton han mga tawo, labot la nga an mga tawo in nagtikang hin duro pagkamatig-a ha karaotan, ngan nagbuhat hin labaw pa hin kabaligtaran han mga kasugoanan han Diyos, han ika 89 katuig han pagdumara han mga hukom.

13 Ngan nahitabo nga han ika 90 katuig han pagdumara han mga hukom, mayada mahinungdanon nga mga tigaman nga iginhatag ngadto han mga tawo, ngan mga urusahon; ngan an mga pulong han mga propeta in nagtikang hin katuman.

14 Ngan an mga anghel in nagpakita ha tawo, mga may kinaadman nga tawo, ngan iginpasamwak ngadto ha ira an maupay nga sumat hin dako nga kalipay; ha sugad hine nga tuig nagtikang pagkatuman adton mga baraan nga kasuratan.

15 Sugad man, an mga tawo in nagtikang pagtig-a han ira mga kasingkasing, labot la hadton gutiay nga bahin ha ira nga natuod, nga mga Nephite ngan sugad liwat han mga Lamanite, ngan nagtikang hin pagtapod han ira kalugaringon nga kusog ngan han ira kaaram, nga nagsisiring:

16 An pipira han mga nahuna-huna in natigohan nga tama, ha grupo han kadam-an; kundi tuod, maaram kami nga ngatanan han mga darayawon ngan urusahon nga mga buhat in dire akus nga mahitabo, kun hain an iginyakan na.

17 Ngan hira in nagtikang hin pangatadungan ngan nagbalingkotay ha ira mga kalugaringon, nga nagsisiring:

18 Ngan dire makatadungan nga an usa nga binuhat nga Cristo in maabot; kun sugad, nga hiya nga Anak han Diyos, an Amay han langit ngan han tuna, sugad han mga iginyakan na, kay ano nga dire niya igpakita an iya kalugaringon ha aton sugad man ha ira nga aadto ha Jerusalem?

19 Oo, ngan kay ano nga waray hiya magpakita dinhe hine nga katunaan ngan sugad didto ha katunaan han Jerusalem?

20 Kundi tuod, nahibaroan naton nga ine in usa nga maraot nga pamatasan, nga iginpasunod ha aton han aton mga kaapoy-apoyan, agud kita in tumuod han darayawon ngan urusahon nga hitabo nga mahitatabo, kundi dire ha aton, kundi ha katunaan la nga labaw hin kahirayo, in katunaan nga dire kita maaram; sanglit kita in magpapabilin ha ira nga mga ignorante, kay dire makakita ha aton kalugaringon nga mga mata nga ine in matuod.

21 Ngan hira, pinaagi han tuso ngan misteryoso nga paagi han magraot, nagbuhat hin dagko nga misteryo kun diin dire naton masasabtan, nga maghihimo ha aton nga mga uripon han ira mga tugon, ngan liwat mga uripon ngada ha ira, tungod kay nasarig kita ha ira nga magtutdo ha aton han mga mensahe; ngan hito maghihimo ha aton nga mga ignorante kun kita magpadara ha ira, ha bug-os nga mga henerasyon han aton kinabuhi.

22 Ngan damo pa nga mga nahuna-huna an pinanhuna-huna han mga tawo ha ira mga abilidad, nga mga pataraw-an ngan waray gamit; ngan hira liwat nalilisang, tungod kay hi satanas nag-aaghat ha ira nga magbuhat hin karat-an hin waray hunong; oo, ngan liwat hiya naglilinibot-libot pagpasamwak hin mga dire tinuod nga mga estorya ngan mga aglantugi ha bug-os nga mga katunaan, nga para niya mapatig-a an mga kasingkasing han mga tawo kontra hadto mag-upay ngan kontra hadton tiarabot.

23 Ngan bisan hadton mga tigaman ngan mga urusahon nga ginbuhat ha butnga han mga tawo han Ginoo, ngan han damo nga mga milagro nga ira ginbuhat, hi Satanas nagkaada hin dako nga pagburut-an ha mga abilidad han mga tawo ha ngatanan ha bawbaw han tuna.

24 Ngan sugad nahuman adton ika 90 katuig han pagdumara han mga hukom han mga tawao han Nephite.

25 Ngan sugad nahuman an libro ni Helaman, sumala han mga sinurat ni Helaman ngan han iya mga anak nga mga lalaki.