1. Nabono nakorire amang’ana ane igoro y’ogosareka kwa abanto bane abanephi. Erio naende egaika engaki tokogenda bosio ya Abalamani.

2. Nainche, Mormoni, inkarika rirube gochia ase omowoti bwa Abalamani, ing’a anyare gotwanchera toche amo nagosangereria abanto baito gochia ase ense ya Kumorah, ase egetunwa gekorokwa Kumorah, na igaria erinde tobae esegi.

3. Erio egaiko engaki omorwoti bwa Abalamani akong’isanekia nebinto biria narenge nomoyo nabio.

4. Erio naende egaika engaki tokogenda goika ense ya Kumorah, na tokaba tokobeka chiema chiaito goetanana ase egetunwa gia Kumorah; na nigo yarenge ense ya amache amange na chindoche na chinsoko chinyinge; na igaa tokoba nogosemieria ng’a ntobe tokobua Abalamani.

5. Na ekero emiaka chimia isato na merongo eteno netato yaera, tokaba tokobasangereria abanto abatigari goika ase ense ya Kumorah.

6. Erio ekero twabeka abanto baito amo ase ense ya Kumorah inche Mormoni inkaba ngochaka kogota; na komanya ng’a eye nero engaki yomoerio bwogochandeka na abanto bane nakanya nachikirwe n’Omonene ng’a imbe inkorenda amariko ya abatata aria baetwe, ayio arenge amachenu, abete ang’e kogwa ase amaboko ya Abalamani, (kanga abalamani bayasarie) aseigo inkarika amang’ana aya korwa ase amariko a Nephi na koyabisa ase egetunwa komora aria onsi naetwe korwa ase okoboko kw’Omonene, gotatiga aya oka naete omwana one Moroni.

7. Erio egaika engaki abanto bane na abakungu babo nabana babo bakomanya abasikari ba Abalamani bagocha ase bare; ase engencho yobwoba obonene bwabaichorete abakuani ase obworo bwonsi bakaganya goika bakanyorwa.

8. Erio egaika engaki bagocha asegi mamincha yaito, na kera omoyo ogaichorwa nobwoba ase engencho y’omoganda obo omonene.

9. Erio egaika engaki bakobaita abanto bane nomoyio, na amata, na chinsara, nebisire na ebioge bionsi biesegi.

10. Erio egaika engaki abanto bane bagotirimboka amo chilibu ikomi chiane abwe barenge amo nainche, nainche inkagwa inse ase egati yabo insionogete; na bagaeta ase inde korende tibarusia bogima bwane aroro.

11. Erio ekero batirimboka nakonyora abanto bane bosi gotatiga baria emerongo ebere nabane (abwe ase omwana one Moroni arenge) na tokabarora abanto baito bakwete, erio mambia tokabaimokia ekero Abalamani bairanire ase chiema chiabo, korwa ase egetunwa gia komora abanto bane chilibu ikomi abwe bachiete ase aroro barendire amo nainche.

12. Erio tokarora chiribu ikomi chia abanto bane baria barenge bakoraua nomwana one Moroni.

13. Naende rigereria, chiribu ikomi chia Abagiddona bakaba bakogwa, na nere nao arenge egati yabo.

14. Na Lama akagwa ne chiribu ikomi chiaye; na Giligol akagwa nechiribu ikomi chiaye; na Limuha akagwa nechiribu ikomi chiaye; na Joneamu akagwa nechiribu ikomi chiaye; na Kameniha na Moroniha, na Antionumu, na Shibilomu, na Shemu, na Josh, bakagwa kera omonto nechiribu chiaye ikomi.

15. Erio egaika baria ikomi bakure ase omoyio, ase chiribu ikomi kera oyomo; nonya nabanto bane gotatiga baria ikomi nababere na baria bane barenge nainche, na baria batamete gochia chinse chia sugusu nabaria bairetwe na Abalamani, bakaba bakogwa; na bosio bwabo na amauga abo na amanyinga abo akaba igoro ase ense are aimokirie namaboko abo baria babaitete erinde banyare gosirera ase ense na koirana ase barwete ase amaroba.

16. Na omoyo one okaba ore nobororo asengencho yogoitwa kwa abanto bane, erio inkarera:

17. Oo inwe abaya, kanga inaki mwabete mokorwa ase chinchera chiomonene O inwe abaya, inaki mwarenge gocha komokana Yeso, oria otenenete ore nokoboko koigoire ase okobanyora!

18. Rigereria, onye motakora aya kanga timogwa. Korende rigereria mwagure na nigo inkorera ase ogosira kwaino.

19. Oo inwe abana abaya abamura na abaiseke, inwe abatata na abababa, na inwe abasacha na abakungu more abaya, maki ere iga ng’a mwagure?

20. Korende rigereria mwachire, na obwororo bwane tibokobairania.

21. Na amatuko ngocha are ekero emebere eye yaino eraonchorwe koba etagokwa, eye bono egosareka bwang’o nebe etagosareka; na kera oyomo goika atenene ase ekerogo giekina gia Kristo kogambigwa koreng’ana nogokora kwaye na onye more abachenu, imobe mogosesenigwa amo nabaiso baino baria bamenyete aroro bosio bwaino.

22. Oh inwe aba mwang’ainirwe ase ogosareka oko gwachire ase more. Korende rigereria mwachire na abatata ase Tata oigoro okare na kare, na nigo amanyete emechando yaino; na nigo agoikerania koreng’ana nekeene kiaye na amabera aye.