1. Rigereria, inche Moroni, ingakora amang’ana atata Mormoni. rigereria nimbwate amang’ana make ebinto bigwenerete korikwa biria nachigetwe na Tata.

2. Erio ekero giaika nyuma y’esegi enene aria komora, rigereria Abanephi baria batamete gocha ase ense bakaba bakorigigwa na Abalamani goika bagasirigwa bonsi.

3. Na Tata nere boigo akaba ogoitwa nabarobwo, ingatigara inche bweka ase okorika omochando oria osoete abanto bane. Rigereria bakaba bakogenda, nainche ingaikerania amachiko a tata. Nabang’ita, tinkomanya.

4. Aseigo nimbe inkorika amang’ana aya ase amaroba; neba inkogenda ngencho tieyo.

5. Rigererie, Tata nigo arosetie amang’ana na korika engencho yaye, nimbe boigo inkorika onye inkonyora ribaga ase chibao echi. Korende timbwati kende nigo inde inche bweka. Tata nigo aitetwe ase esegi nabanto baito, na bono timbwati omosani gose ase ingochia; ingaki eng’ana ing’aki Omonene aranyare koremereria erinde nyare komenya korende timanyeti.

6. Rigereria emiaka yaerire amagana ane korwa omotoria achicha.

7. Rigereria Abalamani bakabarigia abanto bane, abanephi korwa ase omochi goika ase omochie na korwa aase goika aase, na tibabanyora; bakagwa mono, amanene naria ogochandeka kwa abanto bane.

8. Rigereria oko nokoboko kw’Omonene gwakorire aya. Na rigereria Abalamani nigo bakorwana barobwo ase barobwo; na ase ense eye engima nigo egendererete nogoita na goitera amanyinga; na onde tari omanyete omoerio oye.

9. Rigereria timbwati enkwana igoro yabo, ekiagera onde taiyo gotatiga Abalamani na abauri bamenyete ase ense eye.

10. Na onde tari omanyete Nyasae gotatiga aborokigwa ba Yeso, abwe babete ase ense goika ekero ebibe biabete ebinene ekagera Omonene taremereria kobatiga ase abanto aba; nonya bare ase ime yense onde tari omanyete.

11. Korende Tata nainche intwabaroche, na bagatoranderia.

12. Na onde bwonsi oranyore amang’ana aya, onde tayachecheria ase engencho ya amamocho are ime, nabe okoyamanya amange kobua aya. Rigereria ninche Moroni; ase are aororo nimbe, inkobikora ebinto bionsi komanyeka na ase more.

13. Bono nakorire enkwana igoro ya abanto aba. Inche nomwana o’Mormoni na Tata nigo arenge obw’egesaku kia Nephi.

14. Na ninche oria obisete amang’ana aya ase Omonene; chibao echio tichiri nangencho asegencho yamachiko y’Omonene. Ekiagera otebire ng’a ekeene onde tari orabe nachio anyare konyora ogokonyeka; korende amang’ana aria are aroro naro are nengencho; na onde bwensi orayarete ase oborabu oyio nasesenigwe.

15. Onde tari oraorokie aya gotatiga oeirwe chinguru na Nyasae na engencho y’okobua kwa Nyasae ase eriso erimo ase obonene bwaye na emeroberio ya abanto ba kare babachecheretie abanto beira bomonene.

16. Osesenigwe ere oria orarete amang’ana aya ase omobaso; ekiagera nigo arabirusie ase omosunte gocha ase oborabu koreng’ana nering’ana ria Nyasae, mbirusigwe inse nakomesa ase omosunte na gocha ase obong’aini bwa abanto; na aya nigo arakorwe ase ase chinguru chia Nyasae.

17. Na onye ogosaria gokobao nigo korabe ogosaria kwa abanto, rigereria intwe titori nogosaria; Nyasae namanyete onsi, tiga erende ekiagera nigo arabe ore ase abe kogenda omorero.

18. Erio agateba ng’a: Inyorokie, gose moitwe – – tiga erende ekiagera nigo achigete ayatari ay’Omonene.

19. Onde bwonsi oragambie bwango nagambigwe bwango koreng’ana nebibe biaye aseigo oria oraite naitwe n’Omonene boigo.

20. Inee ninki amariko agoteba – – omonto taita gose agambie; ekiagera okonachera nokwane, otebire Omonene, na ogoakana egesiomba nokwane na nabo indaakane.

21. Noria orabe mamincha yemeremo y’Omonene, na abanto b’Omonene ba Israeli, nagoteba ng’ai ntosaretie emeremo y’Omonene, naende ng’a Omonene takoinyora eira eria abegete ase enyomba ya Israel – – noyo nigo are ase egesibo ekiagera nigo ararutwe ase omorero.

22. Korende engencho y’Omonene nebe amo, goika chiira chiaye chikirane.

23. Rigia ase obobani bwa Isaya. Tinkoyarika rigereria nabatebirie baria abachenu bare bosio bwane, baria bairete ense eye mbarere nonye nkorwa ase eubi; na buna Nyasae are moyo nanyare koinyora eira yaye ase bare.

24. Na nigo amanyete amasabo abo ng’a nigo barenge asengencho ya abamwabo. Namanyete okwegena kwabo, aseigo ase erieta riaye mbaonchore ebitunwa; na ase erieta riaye mbakore ense gotengencha; na ase chinguru chiaye bagakora chichera kogwa; nonya neriera ri’omorero tirianyarete kobasamba, nonya neching’iti nonya namarubi yobosongo obonge, asengencho yechinguru chiering’ana riaye.

25. Naboigo amasabo nigo arenge ase are ng’a, anyare koreta amang’ana aya ase ogoikerana.

26. Na onde tabete ogoteba ng’a aya tagocha, ekiagera aya ekeene nache ekiagera Omonene oyakwanire ng’a korwa ase amaroba narweo, ase okoboko kw’Omonene, na onde tari oratange, na neike engaki ekero eratebekane ng’a amatuko y’ebikone aerire; na nigo erache buna omonto obokire korwa ase amakweri.

27. Erio neike engaki ekero amanyinga yabachenu ararere ase Omonene as obobisi boria bwakoregete na emeremo y’omosunte.

28. Erio neike engaki ekene chinguru chia Nyasae chirakanwe na kogechigwa, ne chikanisa chieimokereretie igoro na koba nobwerori ase chinkoro chiabo; erio nonya nabarai bechikanisa mbaimoke nakwerora ase chinkoro chiabo, nakoba neribero ase abanto babo bechikanisa.

29. Erio ndiike rituko ekero emerero eraigwekane na omotengecho omonene ase chinse chia isiko;

30. Na imobe nokoigwa chinkuma chiesegi na emetengecho korwa chinse ao ao.

31. Na ndiche rituko ekero obobe obonene boraike ase ense; mbabeo abaiti, abauri, abagochi, abang’ainereria, abagenki na bonsi abakori amabe nabwo mbabeo abange bagoteba ng’a, aya naro gose aria naro, na ngencho tekoba ekiagera Omonene nabe okoyaimokia igoro ase rituko riria. Korende okoragererigwa kobe ase baria bare nobororo na ase eora yebibe.

32. Erio neike engaki ekero chikanisa chiraagachwe nagoteba ng’a: Ninchwo ase inde nechibesa chiao nobe gokwaberwa ebibe biao.

33. O inwe abarogi na abarimo na abang’achi, ninki gekogera mokoagacha chikanisa ase okwenyorera obonene? Ninki mwaonchoreire ring’ana ria Nyasae, na koreta ekina ase emiyo yaino? Rigereria ase okomanorerwa kwa Nyasae; rigereria ensa ngoikere aya onsi aranyare goikeranigwa.

34. Rigereria Omonene onyorokirie ebinto biogokumia na birabe bigocha ase rituko riria ebinto ebi biranyare gocha ase more.

35. Rigereria nabatebirie onye ndiria more ang’e na motaiyo, kang’a Yeso nabang’orokia inwe, na komanya amakoro aino.

36. Nigo imanyete ng’a nigo mogotara ase obwerori bwechinkoro chiaino na onde taiyo gotetiga baria batari kwerora, ase ogwesoka ekatani engiya, ase obogechi, na ebitina na obogenki, na ogochandwa na bobe bonde bwensi bwe bibe; na chikanisa nonya nkera omonto, osoire ime ase engencho y’obobe bwaino.

37. Rigereria mwanchire chibesa, amo ne chiganchwa chiaino chingiya, na okong’wansa gwechikanisa, kobua buna mwanchete abataka na abare nokogania abare abarwaire nagochandeka.

38. O inwe abang’ainereria aborokia ninki gekogera mokoyesaria ekanisa ya Nyasae? Ninki gekogera mokorora obosoku ase okoira erieta ria Kristo? Ninki motari korengereria ng’a omogoko otakoera noro omonene goetera ase okomotogia Nyasae ime ase ense.

39. Ninki gekogera mokorwa ebingwanso ase oria otari nobogima, naende moba nchara, nokogonia na bosa, na abarwaire na abachandeku na imokomanya?

40. Ninki gekogera mokoegachera obobe ase obobisi ng’a monyare kobua; na kobakora ababoraka korera ase Omonene na amanyinga yabaise babo na abasacha babo ase okorera korwa ase ense, korende obobe ase emetwe yaino.

41. Rigereria omoyio bwekina nigo osungire igoro yaino; na engaki neike akoirania amanyinga ya abachenu ase more, erinde nario ataigwe akorera kwabo naende.