1. Na bono nigo ingokwana igoro ya baria begenete ime ya Kristo.

2. Rigereria imwegene ekero kie rituko riogotarerwa kwaino – – ekero Omonene agocha, gose ase rituko riria rinene ekero ense eraringwe buna omoringo na kera egento keranyie ase riberera, rituko riria ekero moraretwe gotenena ase obosio bw’emanwa yengondi ya Nyasae – – inee naende imotebe ng’a Nyasae taiyio?

3. Erio imobe mokomokana Kristo, gose imoyerore emanwa yengondi? Inee imomanyete ng’a imomenye nere ase ebirengererio biaino ebibe? Inee imore nomoyo ng’a kanga nigo mwamenya noyo ore Omochenu, ndiriri moratige obobe erinde motige korama amachiko.

4. Rigereria nabatebirie ng’a nigo morabe mochandegete onye imokomenya na Nyasae ore moyo na Omochenu, more inse yebirengererio biaino, ase ayio nigo moramenye ase omorero.

5. Korende rigereria ekero moraorokigwe more bosa ase obosio bwa Nyasae, na boigo ase Obonene bwa Nyasae, na obochenu bwa Yeso Kristo, na nigo erabe ase more omorero oria otakorima.

6. O inwe abategenwa, onchoka gocha ase Omonene; rera bokong’u ase Tata ase erieta ria Yeso, erinde nario moranyorekane motari na kemoa, korende abachenu abaya na abarabu, mwabeire abamosibirie amo namanyinga yemanwa y’eng’ondi, ase amatuko y’ogokumia na ayomoerio.

7. Naende nigo ingokwana ase more inwe aba mokwanga okomanorerwa kwa Nyasae, na goteba ng’a aya aetire, na goteba ng’a komanorerwa tikoiyo, gose okobanwa gose ebiegwa, gose okogwenigwa, gose ogokwana ase chimeme chinyia, na ogoonchorigwa kwechimeme chinyia.

8. Rigereria nabatebirie onde bwensi orakane na gotamanya enchiri ya Yeso Kristo; tanya gosoma amariko; onye ekoba bo, tari koyaigwa.

9. Inee titwanya gosoma ng’a Nyasae nere oria igoro rero na kare na kare, na ime yaye gwatananeka tikoiyo gose ekeiriri kiogonchoka?

10. Nabono onye more nokorengereria ase chinyasae chiaino chitari echiaboronge na ase chire ekeiriri kiogonchoka kereo, na nigo mwebegete ase enyasae eria etari Nyasae bwebikone.

11. Korende rigereria, nimbaorokie Nyasae bwebikone, Nyasae o’Isaka, Nyasae o’Yakobo, na Nyasae oria otongete igoro nense, na ebinto bionsi bireo.

12. Rigereria nigo atongete Adamu na akagera ebibe bigasoa ase mwanyabanto na ase engencho yokogwa kwa mwanyabanto ekagera Yeso agacha, nonya Tata nomwana; na ase engencho ya Yeso Kristo, okoborigwa gogacha ase abanto.

13. Na asengencho yokoborigwa kwamwanyabanto, okwe gwachete korwa ase Kristo, bakaretwa naende ase obosio bw’Omonene; na igaa nao ogotoreka gogotoka, asengencho y’ogokwa kwa Yeso kwaretete okobokigwa gwaetire, okwe kwaretete okoborigwa korwa ase chitoro, erinde korwa ase chitoro abanto bonsi baranyare kobokigwa amo nechinguru chia Nyasae ekero egetureri kerabuge; na mbiche ebike na ebinene na bionsi mbitenene ase egoora yaye, bare basiboire nagokonywa korwa ase amakweri, ayio are amakweri abosa.

14. Naende ekina ngocha kere egechenu ase bare; na engaki ngocha ere omworo aranyare koba omworo; na omochenu aranyare koba omochenu na oyore nomogoko koba nomogoko; na oria otari nomogoko gotigara koba atari nomogoko.

15. Na bono, ase inwe baria mwerigeretie chinyasae chitanyare gokora ebikone nimbaborie, motige ebinto ebi biete ebi nakwanine omoerio otoracha? Rigereria nigo inkobatebia ng’a toracha na Nyasae togosiria koba Nyasae bwebikone.

16. Rigereria, ebi mbiria ebinto Nyasae aorokirie ase amaiso aino? Na ningo oranyare gokana ebikone na amakumia yemeremo ya Nyasae?

17. Inee ningo oranyare goteba ng’a tikiarenge egekone ase ring’ana riaye igoro nense ekaba; na ase chinguru chiering’ana riaye omonto akaba ogotongwa korwa ase amaroba; na ase chinguru chiaye egekone gegakoreka?

18. Na ningo oratebe ng’a Yeso Kristo takorete ebikone ebinge? Na ng’a bikone mbiakoretwe namaboko ya Abatomwa.

19. Na onye ebikone biakorekanete Inee ninki gekogera Nyasae agendererete gokora ebikone na otari goonchoka? Ekeene nabatebirie tari goonchoka; onye ekoba bo, takoba Nyasae na tari gosiria obonyasae bwaye na nigo are Nyasae bwebikone.

20. Na engencho ekogera agokora ebikone ase abana ba mwanyabanto nigo ere ng’a banyare korwa ase ogotegena na ase okorwa ase chinchera chiekeene, na gotamanya Nyasae oyio bagwenerete kwegena.

21. Rigereria nabatebirie ng’a onde bwensi oregene Kristo, atari nechitang’utang’u, na kende gionsi barasabe Tata ase, erieta riane ekio mbakenyore; na eira eye eye nigo ere ase abanto na chinsinyo inye chiense.

22. Rigereria otebire Yeso Kristo, omwana o’Nyasae ase aborokigwa baye abwe batatige, na ase aborokigwa baye bonsi ase okoigwa amang’ana: Genda ense yonsi na korandia enchiri ase kera egetongwa.

23. Na onde bwonsi oregene na kobatiswa nakonyeke korende oyotegeneti nabe ogosira.

24. Na ebirage ebi mbibatunyane baria bonsi begenete – – ase eriete riane mbaserie ebirecha; na imbakwane ase chimeme chinyia; na imbabe bakoimokia ching’iti, na nabanywa kende gionsi gegoita tigekobakorera kende; naboigo imbabeke amaboko abo ase abarwaire na abarwaire mbagwenigwe.

25. Na onde bwonsi oregene ase erieta riane atari natang’utang’u, ase are ere ninyabeke amang’ana ane ime yaye, goika nonya nomoerio bwense.

26. Nabono, rigereria, ning’o oranyare gotenena mamincha y’emeremo y’Omonene? Ning’o oranyare gokana enkwana eye? Ning’o oranyare koba mamincha y’echinguru chi’Omonene? Na ning’o oraye gokwana emeremo y’Omonene bobe? Na ning’o orabaire abana ba Kristo bobe? Rigereria, inwe mwensi abamore abachecheria emeremo y’Omonene, ekiagera imokumie na gosira.

27. O timochecheria, na gokumia, korende igwa amang’ana y’Omonene, na mosabe Tata ase erieta ria Yeso Kristo keria gionsi morabe mokogania nakio. Timoba nechitang’utang’u, korende kwegena, nagochaka buna ekero kieritang’ani, na gocha ase Omonene nemioyo yaino yonsi, na koorokia ogotoreka kwaino amo n’obwoba nagotengechigwa ase are.

28. Kabe abang’aini ase amatuko aino yokogenderera; etange inwe mweka korwa ase obobe bwonsi; timosaba ng’a monyare koyaira ase okogania kwaino korende saba more noboremu, erinde timosoa ase ogotemwa, korende momobake Nyasae bwekeene na ore moyo.

29. Rigereria timobatiswa keene getaiyo rigereria timoria emesa y’Omonene keene getaiyio; korende manya ng’a nigo mogokora kera egento ase ekeene, na gokora ase erieta ria Yeso Kristo, Omwana o’Nyasae; na kamorakore aya, na koremereria goika omoerio, timogoserigwa.

30. Rigereria, nigo inkobatebia buna oria ogokwana korwa ase amakweri; korende nimaiyete ng’a goika moigwe amang’ana ane.

31. Timong’ira bobe ase ekeene kiane, gose tata igoro yekeene kiaye, gose baria barigete bosio bwaye; korende motogie Nyasae ase engencho aorokirie obochenu bwaito ase more, erinde nario maranyare kweorokia obong’aini kobua buna kanya tore.

32. Na bono rigereria, twarikire amange ase chisemi chiaito ase chingencho kero kende chikorokwa abamisiri abeatanani, abeire akorugwa amo naintwe koreng’ana nenkwana yaito.

33. Na onye amang’ana nigo arenge aisaine kanga nabo twanyarigete ase ekeibirania; Ekeibirania boigo nigo kerure amo naintue; na onye toriika ekeibirania, rigereria mware gocha gotwara obokeene ase amang’ana aito.

34. Kerende Omonene namanyete aria onsi twarikire, naboigo onde tari omanyete omonwa oito; aseigo obeire okorigia chinchera ase ogoochorigwa ekero gegocha.

35. Na ebinto ebi nigo birikire erinde tonyare koringa chiganchwa chiaito chiamanyinga ya abaminto, baria basirire ase ogotegena.

36. Na rigereria ebinto ebi tore nomoyo nabio igoro ya abaminto, nonyo nogotorigwa kwabo ase obong’aini bwa Kristo, nigo ere koreng’ana na amasabo ya abachenu bonsi abamenyire ase ense eye.

37. Naboigo Omonene tiga aigwe amasabo abo koreng’ana n’okwegena kwabo, na tiga Omonene Nyasae ainyore eira eria ariete ase enyomba ya Israel; na tiga abasesenie kare na kare, goetera ase okwegena ase erieta ria Yeso Kristo. Amen.