1 Ol toktok bilong Krais i bin autim long ol disaipel bilong em, ol wanpela ten tu lain ol em i bin makim, taim em i putim ol han bilong em antap long het bilong ol—

2 Na em i singautim nem bilong ol, na tok olsem: Yupela bai singautim long Papa long nem bilong mi, wantaim strongpela beten tru, na bihain yupela wokim olsem, yupela bai gat pawa we yupela bai givim Holi Spirit, long man em yupela bai putim ol han bilong yupela, na yupela bai givim Holi Spirit long nem bilong mi, bikos ol aposel bilong mi save wok olsem.

3 Nau Krais i bin autim ol dispela toktok long ol taim em soim em yet long ol long nambawan taim, na ol pipol i no harim, tasol ol disaipel ol i bin harim ol dispela toktok, na Holi Spirit i bin pundaun long planti manmeri taim ol i putim han bilong ol antap long ol.