1 Pasin we bai ol disaipel, em ol i kolim ol elda bilong sios, ol i bin odenim ol pris na tisa i olsem—

2 Bihain beten long Papa long nem bilong Krais, ol putim han bilong ol antap long het bilong ol, na tok olsem:

3 Long nem bilong Jisas Krais, mi odenim yu long kamap pris (o sapos man i tisa, mi odenim yu long kamap tisa) long toktok long tanim bel na rausim sin insait long Jisas Krais, wantaim bilip long em na i stap strong i go inap long arere. Amen.

4 Na ol i bin odenim ol pris na tisa olsem, long ol presen na singaut bilong God long ol man, na ol odenim ol wantaim pawa bilong Holi Spirit, em i bin i stap insait long ol.