1 Ti wagas nga inaramat dagiti disipulo, a maaw-awagan iti elder iti simbaan, iti panangorden kadagiti saserdote ken maestro—

2 Kalpasan ti panagkararagda iti Ama iti nagan ni Cristo, impatayda dagiti dakulapda kadakuada, ket kinunada:

3 Iti nagan ni Jesucristo ordenanka nga agbalin a saserdote, (wenno, no maestro, ordenanka nga agbalin a maestro) a mangikasaba iti panagbabawi ken pannakaugas ti basbasol babaen ni Jesucristo, iti kinatibker ti pammati iti naganna agingga iti panungpalan. Amen.

4 Ket kastoy ti wagas a panangordenda kadagiti saserdote ken maestro, babaen iti sagsagut ken panangawag ti Dios kadagiti tao; ket inordenanda ida babaen ti pannakabalin ti Espiritu Santo, nga adda kadakuada.