Elder

Adu a wagas ti pakausaran ti balikas nga elder iti Biblia. Iti Daan a Tulag masansan nga itudona dagiti panglakayen iti tribu, a gagangay a pakaitalkan dagiti aramid iti gobierno (Gen. 50:7; Jos. 20:4; Rt. 4:2; Mat. 15:2). Nagbalin a napateg ti pammagbagada gapu iti tawen ken padasda. Saan a nasken nga addaanda iti kinasaserdote para iti saadda.

Adda met dagiti naordenan nga elder iti Kinasaserdote a Melchizedek iti panawen ti Daan a Tulag (Ex. 24:9–11). Iti Baro a Tulag, naagapad ti elder a kas saad ti kinasaserdote iti Simbaan (San. 5:14–15). Kadagiti Nephite adda met naordenan nga elder iti kinasaserdote (Alma 4:7, 16; Moro. 3:1). Iti daytoy a dispensasion, da Joseph Smith ken Oliver Cowdery ti immuna nga elder a naordenan (DkK 20:2–3).

Takem itan ti elder a maited kadagiti amin nga addaan iti Kinasaserdote a Melchizedek. Kas pagarigan, maawagan iti elder dagiti lallaki a misionario. Kasta met, nga elder ti Apostol, ket rumbeng nga awagan dagiti kameng ti Korum dagiti Sangapulo-ket-dua wenno Korum dagiti Pitopulo iti kastoy a takem (DkK 20:38; 1 Ped. 5:1). Naited iti paltiing iti ud-udina nga aldaw dagiti pagrebbengan dagiti elder ti Simbaan ita (DkK 20:38–45; 42:44; 46:2; 107:12).