Hebreo, Surat para Kadagiti

Ti libro iti Baro a Tulag. Insurat ni Pablo daytoy a surat kadagiti Hudio a kameng ti Simbaan tapno awisenna ida a natungpalen ken ni Cristo ti napnuan kaipapanan nga aspeto ti paglintegan ni Moises ket sinukatanen ti paglintegan ti nangatngato nga ebanghelio ni Cristo. Idi agsubli ni Pablo iti Jerusalem idi malpas ti maikatlo a misionna (agarup K.P. 60), naduktalanna nga adu pay laeng kadagiti Hudio a kameng ti Simbaan ti mangsursurot iti paglintegan ni Moises (Ara. 21:20). Napasamak daytoy agarup a sangapulo a tawen kalpasan ti taripnong ti Simbaan idiay Jerusalem a nakaikedngan nga adda dagiti ordinansa iti paglintegan ni Moises ti saanen a napateg para iti pannakaisalakan dagiti Kristiano a gentil. Agparparang a kalpasan ti panangisurat ni Pablo kadagiti Hebreo tapno ipakitana kadakuada iti nasantuan a kasuratanda ken babaen ti nalawag a gapu no apay a nasken a saandan a suroten ti paglintegan ni Moises.

Ilawlawag dagiti kapitulo 1 ken 2 a nabilbileg ni Jesus ngem dagiti anghel. Idilig dagiti kapitulo 3–7 ni Jesus ken ni Moises ken iti paglintegan ni Moises ken paneknekanda a nabilbileg ngem kadagitoy. Isurona pay a nabilbileg ti Kinasaserdote a Melchizedek ngem iti Aaron. Iladawan dagiti kapitulo 8–9 no kasano nga insagana dagiti Mosaiko nga ordinansa dagiti tao para iti naespirituan a panagserbi ni Cristo ken no kasano a ni Cristo ti mangibabaet iti baro a katulagan (Alma 37:38–45; DkK 84:21–24). Panggutugot ti kapitulo 10 nga agbalin a naregta ken napudno. Bitla iti pammati ti kapitulo 11. Pammallaag ken kablaaw ti kapitulo 12. Saritaen ti kapitulo 13 ti nadayaw a sasaaden ti panagasawa ken ti pateg ti panagtungpal.