Ipapatay, Naespirituan nga

Pannakaisina manipud iti Dios ken dagiti bilegna; pannakatay a kas kadagiti banag maipanggep iti kinalinteg. Nagsagaba ni Lucifer ken ti maikatlo a paset ti pangen iti langit iti naespirituan nga ipapatay idi napagtalawda iti langit (DkK 29:36–37).

Nayam-ammo ti naespirituan nga ipapatay iti lubong babaen ti pannakatnag ni Adan (Moises 6:48). Dagiti nabiag nga addaan iti dakes a pampanunot, balikas, ken aramid ti natay a naespirituan bayat ti panagbiagda iti daga (1 Tim. 5:6). Babaen ti pannubbot ni Jesucristo ken iti panagtungpal kadagiti pagbatayan ken ordinansa ti ebanghelio, mabalin a mapunas ti basol dagiti lallaki ken babbai ket mailiklikda iti naespirituan nga ipapatay.

Mapasamak met ti naespirituan nga ipapatay kalpasan ti ipapatay ti bagi. Agpadanto a makedngan dagiti nagungar a tao ken ti sairo ken dagiti anghelna. Agsagrapto iti naespirituan nga ipapatay dagiti disnudo a nangsuppiat iti lawag ken kinapudno ti ebanghelio. Masansan a maawagan daytoy nga ipapatay iti maikadua nga ipapatay (Alma 12:16; Hel. 14:16–19; DkK 76:36–38).

Siwayawaya dagiti tao nga agpili iti wayawaya ken biag nga agnanayon wenno mangpili iti pannakaadipen ken ipapatay, 2 Ne. 2:27 (2 Ne. 10:23; Alma 29:5; Hel. 14:30–31).
Insagana ti Dios ti dalan a paglibasantayo iti patay ken impierno, 2 Ne. 9:10.
Wayawayaanyo ti bagbagiyo iti saem ti impierno tapno saankayo nga agsagaba iti maikadua nga ipapatay, Jacob 3:11.
Kabusor ti Dios ti kadawyan a tao, Mosiah 3:19.
Sapay koma ta itden kadakayo ti Apo ti panagbabawi tapno saanyo a sagabaen ti maikadua nga ipapatay, Alma 13:30.
Napalawlawan ni Alma iti awan inggana a kawar ni patay, Alma 36:18.
Matay dagiti nadangkes gapu kadagiti banag maipapan iti kinalinteg, Alma 40:26 (Alma 12:16).
Inyeg ti pannakatnag ti amin a tao ti naespirituan a pannakatay, Alma 42:9 (Hel. 14:16–18).