Dua ti kangrunaan a kaipapanan ti balikas a langit iti nasantuan a kasuratan. (1) Isu ti lugar a pagindegan ti Dios ken pagindeganto dagiti Santo (Gen. 28:12; Sal. 11:4; Mat. 6:9). (2) Isu ti law-ang a nanglawlaw iti daga (Gen. 1:1, 17; Ex. 24:10). Nalawag a saan a paraiso ti langit, a temporario a lugar a para kadagiti napudno nga espiritu dagiti nagbiag ken natay iti daytoy a daga. Sinarungkaran ni Jesus ti paraiso kalpasan ti ipapatayna iti krus, ngem iti maikatlo nga aldaw, impakaammona ken ni Maria a saan pay a napan iti yan ti Ama (Luc. 23:39–44; Jn. 20:17; DkK 138:11–37).