Asiria

Ti nagkauna nga imperio, a kaduana ti karibalna a Babilonia, inturayanna ti kaaduan kadagiti daan nga estado ti Siria ken ti Palestina iti dandani unos ti panawen ti Daan a Tulag. Nupay dagiti Asiro ti kabilgan idi ngalay ti maika-12 a siglo S.C. agingga ti gibus ti maika-7 a siglo S.C., pulos a dida nakabangon iti napintek a sekkeg ti politika. Nagturayda a nadangkok, nga insebbada dagiti kabusorda iti apuy ken inaramatanda ida iti tadem wenno pinakapsutda ida babaen ti panangpapanawda iti dakkel a bilang dagiti agindeg iti sabali a paset ti imperioda. Saan a nagsardeng a nagbalin a kabusorda dagiti sinakupda, ket kankanayon ti riribuk iti unos ti imperio. (Kitaen ti 2 Ari 18–19; 2 Cron. 32; Isa. 7:17–20; 10; 19; 37.)