Santiago, Kabsat ti Apo

Maysa a libro iti Baro a Tulag. Sigud a surat a para kadagiti sangapulo-ket-dua a tribu ti Israel a nasinasina iti ganggannaet ket mabalin a naisurat idiay Jerusalem. Linaon ti surat dagiti nalawag a banag maipanggep iti gagangay a relihion, a pakairamanan ti napateg a pamagbaga iti kapitulo 1 a no agkurang ti tao iti pagsiriban, dumawat iti Dios iti tulong, San. 1:5–6; JS—P 1:9–20). Maipanggep iti pammati ken aramid ti kapitulo 2. Saritaen dagiti kapitulo 3–4 ti pannakasapul iti panangtengngel iti dila ken balakadanna dagiti Santo a saan nga agsasao iti dakes iti tunggal maysa. Paregtaen ti kapitulo 5 dagiti Santo nga agibtur ken mangawag kadagiti elder no adda masakit tapno bendisionanda; isurona pay ti bendision a tumulong a mangpasurot kadagiti sabali.