Mammadto

Ti tao a tinudingan ti Dios a mangkita iti naespirituan a mata dagiti banag nga inlemmeng ti Dios iti lubong (Moises 6:35–38). Isu ti mammaltiing ken propeta (Mosiah 8:13–16). Iti Libro ni Mormon, insuro ni Ammon a ti la mammadto ti makaaramat iti naisangayan a panangyulog, wenno ti Urim ken Tumim (Mosiah 8:13; 28:16). Ammo ti mammadto ti napalabas, agdama, ken ti masakbayan. Idi un-unana, masansan a maawagan ti propeta iti mammadto (1 Sam. 9:9; 2 Sam. 24:11).

Ni Joseph Smith ti naindaklan a mammadto iti ud-udina nga aldaw (DkK 21:1; 135:3). Mainayon iti daytoy, naayunan ti Umuna a Panguluen ken ti Konseho dagiti Sangapulo-ket-dua kas propeta, mammadto, ken mammaltiing.