Pentecostes

Kas paset ti paglintegan ni Moises, naangay ti piesta ti Pentecostes wenno umuna a bungbunga limapulo nga aldaw kalpasan ti piesta ti Paskua (Lev. 23:16). Pangrambak ti Pentecostes iti panagapit, ket naawagan iti Daan a Tulag iti piesta ti panagapit wenno piesta dagiti lawas. Piesta daytoy a pinangrambak kadagiti Apostol iti Jerusalem idi napnoda iti Espiritu Santo ket nakapagsaoda kadagiti pagsasao (Ara. 2; DkK 109:36–37).