Ruben
Iti Daan a Tulag, ti inauna nga anak a lalaki da Jacob ken Lea (Gen. 29:32; 37:21–22, 29; 42:22, 37). Nupay ni Ruben ti inauna, napukawna ti kalinteganna nga agtawid gapu iti basol (Gen. 35:22; 49:3–4).
Ti tribu ni Ruben
Masarakan ti bendision ni Jacob ken ni Ruben iti Genesis 49:3 ken Deuteronomio 33:6. In-inut a bimmassit ti bilang dagiti tribu, ket nupay nagtultuloy ti tribu, nagbalin nga awan kaes-eskanna. Naited ti kalintegan ni Ruben nga agtawid ken ni Jose ken dagiti annakna gapu ta ni Jose ti inauna nga anak ni Jacob iti maikadua nga asawana a ni Raquel (1 Cron. 5:1–2).