Job

Nupay maipanggep iti panagsagaba ni Job ti libro, saanna a sungbatan amin ti saludsod no apay a nagsagaba ni Job (wenno uray asino) iti saem ken ti pannakapukaw ti kaamaan ken ti sanikuana. Lawlawagan ti libro a ti panagrigat dina kayat a sawen a nagbasol ti tao. Mabalin nga aramaten ti Apo ti pammarigat a kas padas, disiplina, ken pangiwanwan kasta met a pangdusa (DkK 122).

Mabalin a mabingay ti libro iti uppat a paset. Prologo ti estoria dagiti kapitulo 1–2. Saritaen dagiti kapitulo 3–31 ti panaglilinnawag da Job ken dagiti tallo a gagayyemna. Laonen dagiti kapitulo 32–37 dagiti bitla ni Elihu, ti maikapat a gayyem, a nangpabasol ken ni Job iti maigidiat kadagiti rason dagiti tallo a gagayyemna. Maigibus ti libro kadagiti kapitulo 38–42 a pinatalgedanna ken ni Job a nasayaat ti ayo ti biagna manipud pay idi punganay.

Isuro ti libro ni Job a no adda naan-anay a pannakaammo ti tao iti Dios ken agbibiag a mainugot iti Dios, nalaklakananto nga ibturan dagiti pannubok a mapadasanna. Iladawan dagiti sumaganad a balikas ti di marubsi a pammati ni Job, “Uray no patayennak, agtalekakto pay laeng kenkuana” (Job 13:15). Naagapad pay ni Job iti Ezekiel 14:14; Santiago 5:11; Doktrina ken Katulagan 121:10.