Istaka

Maysa kadagiti benneg ti ragup ken administratibo ti Ti Simbaan ni Jesucristo Dagiti Santo iti Ud-udina nga Aldaw. Buklen ti sumagmamano a purok ken sanga ti istaka. Gagangay nga adda pagbednganna ken mayannatup iti kalanglanga ti tolda a nailadawan iti Isaias 54:2: “Yatiddogyo ti taliyo, ken palagdaenyo dagiti pasokyo [istakayo].” Agsisinnuporta ken agtitinnulong ti tunggal istaka iti Zion a mangitag-ay iti Simbaan a kas iti panangtengngel dagiti pasok iti tolda wenno tabernakulo. Lugar a pagguummongan ti istaka dagiti nabati iti nawarawara nga Israel (DkK 82:13–14; 101:17–21).