Lamanite

Ti ragup ti tattao iti Libro ni Mormon, a kaaduanna kadakuada ti an-annabo ni Laman, ti inauna nga anak ni Lehi. Impagarupda nga inkuspil ida ni Nephi ken dagiti an-annabona (Mosiah 10:11–17). Nagbanaganna, nagrebeldeda a maibusor kadagiti Nephite ken masansan a suppiatenda ti pannursuro ti ebanghelio. Nupay kasta, sakbay ti pannakaipasngay ni Jesucristo, inawat dagiti Lamanite ti ebanghelio ket nagbalinda a nalinlinteg ngem dagiti Nephite (Hel. 6:34–36). Dua gasut a tawen kalpasan ti isasarungkar ni Cristo iti America, agpada dagiti Lamanite ken Nephite a nagbalin a nadangkes ket rinugianda ti naggugubat. Idi agarup K.P. 400 rinebbek a namimpinsan dagiti Lamanite ti pagilian a Nephite.