Jonas

Ti libro iti Daan a Tulag a mangibaga iti padas ni Jonas iti biag. Mabalin a saan a ni Jonas ti nangisurat iti libro. Ti kangrunaan a kapanunotan iti libro ni Jonas ti panagturay ni Jehova iti amin a disso ket saan a maymaysa ti nagtalimudokan ti ayatna a pagilian wenno tao.

Iti kapitulo 1, tinudingan ti Apo ni Jonas a mangasaba idiay Nineve. Idinto a surotenna koma ti bilin ti Apo, naglibas ni Jonas babaen ti bilog ket inalun-on ti dakkel nga ikan. Iti kapitulo 2, nagkararag ni Jonas iti Apo, ket insarua ti ikan ni Jonas iti namaga a daga. Naisurat iti kapitulo 3 a napan ni Jonas iti Nineve ket impadtona ti pannakarebbek daytoy. Nupay kasta, nagbabawi dagiti tao. Iti kapitulo 4, inungtan ti Apo ni Jonas gapu iti suron daytoy iti panagisalakan ti Apo kadagiti tao.

Insuro ni Jesus nga iparipirip ti panangalun-on ti ikan ken ni Jonas ti ipapatay ken panagungar ni Jesus a mismo (Mat. 12:39–40; 16:4; Luc. 11:29–30).