Deuteronomio

Kayatna a sawen “pannakaulit ti paglintegan” ken isu ti maikalima a libro iti Daan a Tulag.

Linaon ti Deuteronomio dagiti tallo a maudi a diskurso ni Moises, nga intedna kadagiti tanap ti Moab sakbay ti panagbaliwna. Panangirugi ti umuna a diskurso (kapitulo 1–4). Naglaon iti dua a paset ti maikadua a diskurso (kapitulo 5–26): (1) kapitulo 5–11–dagiti Sangapulo a Bilin ken ti nawaya a pannakailawlawagda; ken (2) kapitulo 12–26–kodigo dagiti paglintegan, a mangbukel iti bugas ti sibubukel a libro. Linaon ti maikatlo a diskurso (kapitulo 27–30) napasnek a panangpabaro iti katulagan ti Israel ken ti Dios ken ti pannakaiwaragawag dagiti bendision nga ibunga ti kinamanagtungpal ken dagiti lunod nga ibunga ti kinasukir. Iladawan dagiti kapitulo 31–34 ti pannakaidanon ti paglintegan kadagiti Levita, ti kanta ken maudi a bendision ni Moises, ken ti ipapanaw ni Moises.