Joel
Ti propeta iti Juda iti Daan a Tulag. Saan a masinunuo ti petsa ti panagbiagna—mabalin a nagbiag iti nagbaetan ti panagturay ni Joas, sakbay ti 850 S.C., ken ti panagsubli ti tribu ni Juda manipud iti Babilonia a nakabaludanda.
Ti libro ni Joel
Naisentro ti libro iti padto ni Joel kalpasan ti pannakasaplit ti Juda iti nakaro a tikag ken adu a dudon (Jl. 1:4–20). Impanamnama ni Joel kadagiti tao a babaen ti panagbabawi maawatdanto manen ti bendision ti Dios (Jl. 2:12–14).
Linaon ti kapitulo 1 ti nadaeg a panagtitipon iti balay ti Apo. Ibaga ti kapitulo 2 ti gubat ken ladingit a sumaruno iti Millennium. Ibaga ti kapitulo 3 ti ud-udina nga aldaw ken ipaneknekna nga aggugubatto amin a pagilian ngem agnaedto met laeng ti Apo iti Zion.
Inadaw ni Pedro ti padto ni Joel iti pannakaibukbok ti Espiritu iti aldaw ti Piesta (Jl. 2:28–32; Ara. 2:16–21). Inadaw met ni anghel Moroni ti isu met laeng a binatog ken ni Joseph Smith (JS—P 1:41).