Levi

Binendisionan ni Jacob ni Levi ken dagiti kapuonanna (Gen. 49:5–7). Nangisuro dagiti kapuonan ni Levi iti santuario ti Israel (Num. 1:47–54). Levita ni Aaron, ken saserdote ti kapuonanna (Ex. 6:16–20; 28:1–4; 29). Tinulongan dagiti Levita dagiti saserdote, dagiti annak ni Aaron (Num. 3:5–10; 1 Ari 8:4). Agtokar ken agkantada no dadduma (1 Cron. 15:16; Neh. 11:22); agparti kadagiti isakripisio (2 Cron. 29:34; Es. 6:20); ken kangrunaanna tumulong iti templo (Neh. 11:16). Naidaton dagiti Levita nga agserbi iti Apo a mangipatungpal kadagiti ordinansa para kadagiti annak ti Israel. Indiaya dagiti Levita ti bagida a mangibagi kadagiti annak ti Israel (Num. 8:11–22); nagbalinda ngarud a kukua ti Dios, a naited kenkuana a sukat ti inauna (Num. 8:16). Saanda a naikkan-pateg ngem naugasanda iti takemda (Num. 8:7–16). Awan daga a tawidda iti Canaan (Num. 18:23–24), ngem inawatda ti apagkapullo (Num. 18:21), 48 a siudad (Num. 35:6), ken kalintegan nga umawat iti limos kadagiti tao iti panawen ti piesta (Deut. 12:18–19; 14:27–29).