Enoc

Ti propeta a nangidaulo kadagiti tao iti siudad ti Zion. Naagapad ti naespirituan a panagserbina iti Daan a Tulag ken iti Perlas a Kapatgan. Isu ti maikapito a patriarka kalpasan ni Adan. Isu ti anak ni Jared ken ama ni Matusalem (Gen. 5:18–24; Luc. 3:37).

Naindaklan a tao ni Enoc ket ad-adu ti nakallalagip a naespirituan a panagserbina ngem iti ababa a naisurat iti Biblia maipanggep kenkuana. Imbaga ti Biblia a nagbalbaliw (Heb. 11:5) ngem saan a naagapad ti maipanggep iti naespirituan a panagserbina. Linaon ti Jd. 1:14 ti nakagupgopan ti padtona. Ilawlawag ti ud-udina a paltiing ti ad-adu pay a maipanggep ken ni Enoc, kangrunaanna ti panangaskasabana, ti siudadna a managan Zion, dagiti parmatana, ken dagiti padtona (DkK 107:48–57; Moises 6–7). Naipan ti Zion iti langit gapu iti kinalinteg dagiti nagindeg (Moises 7:69).