Armageddon

Naggapu ti nagan nga Armageddon iti Hebreo a Har Megiddon, a kayatna a sawen “bantay ti Megiddo.” Adda ti tanap ti Megiddo iti akinlaud a paset ti kapatagan ti Esdraelon, 50 a milia (80 a kilometro) iti amianan ti Jerusalem, ket isu ti disso dagiti napateg a bakal iti panawen ti Daan a Tulag. Maawagan iti bakal iti Armageddon ti dakkel ken maudi a supanget a mapasamakto iti sakbay ti maikadua a yaay ti Apo gapu ta mangruginto iti dayta met laeng a lugar. (Kitaen ti Eze. 39:11; Zac. 12–14, nangnangruna ti 12:11; Apoc. 16:14–21.)