Dua ti ibaga ti paltiing iti ud-udina nga aldaw maipanggep iti impierno. Umuna, isu ti temporario a pagnaedan iti lubong dagiti espiritu para kadagiti nasukir idi sibibiagda. Kaawatanna daytoy nga adda gibus ti impierno. Maisuro ti ebanghelio kadagiti espiritu sadiay, ket kalpasan ti panagbabawida mapagungarda iti agpang ti gloria a pakaikarianda. Dagiti saan nga agbabawi, ngem saan met lallaki nga annak ti manangdadael, agtalinaedda iti impierno iti unos ti Millennium. Kalpasan dagitoy rinibu a tawen a panagtutuok, mapagungardanto iti telestial a gloria (DkK 76:81–86; 88:100–101).
Maikadua, daytoy ti permanente a lugar kadagiti saan a nasubbot iti pannubbot ni Jesucristo. Kaawatanna daytoy a permanente ti impierno. Para daytoy kadagiti naduktalan a “narugit latta” (DkK 88:35, 102). Daytoy ti lugar a pagindegan ni Satanas, dagiti anghelna, ken dagiti lallaki nga annak ti manangdadael—dagiti nangilibak iti Anak kalpasan ti panangibaga ti Ama—iti agnanayon (DkK 76:43–46).
Itudo no dadduma ti nasantuan a kasuratan ti impierno a kas akinruar a sipnget.