Jose, Asawa ni Maria

Asawa ni Maria, nga ina ni Jesus. An-annabo ni David ni Jose (Mat. 1:1–16; Luc. 3:23–38) ken nagindeg idiay Nazaret. Naitulag ken ni Maria. Sakbay ti kallaysada, sinarungkaran ni anghel Gabriel ni Maria, a nangipakdaar a napili ni Maria nga agbalin nga ina ti Mangisalakan (Luc. 1:26–35). Immawat met ni Jose iti paltiing iti daytoy nailangitan a pannakaipasngay (Mat. 1:20–25).

Ni Maria ti kakaisuna a naindagaan a nagannak ken ni Jesus gapu ta ti Dios nga Ama ti ama ni Jesus. Ngem impagarup dagiti Hudio a ni Jose ti ama ni Jesus, ket imbilang ni Jesus a kasta (Luc. 2:48, 51). Naballaagan iti nailangitan a tagtagainep, insalakan ni Jose ti biag ni maladaga a Jesus babaen ti panangipanna idiay Egipto (Mat. 2:13–14). Kalpasan ti ipapatay ni Herodes, inwanwan ti anghel ni Jose a mangisubli ken ni ubing a Cristo iti Israel (Mat. 2:19–23).