Paglintegan ni Moises

Nangted ti Dios kadagiti paglintegan babaen ni Moises iti balay ti Israel a sukat ti nangatngato a paglintegan a dida natungpal (Ex. 34; PJS, Ex. 34:1–2; PJS, Deut. 10:2). Naglaon ti paglintegan ni Moises iti adu a pagbatayan, alagaden, seremonia, kannawidan, ken simbolo a mangipalagip kadagiti tao kadagiti pagrebbengan ken sungsungbatanda. Mairaman ditoy ti paglintegan ti kinadalus, etika, maipanggep iti relihion, ken material a bilin ken aramid—a pakairamanan dagiti daton (Lev. 1–7)—a naisangrat a mangipalagip kadakuada iti Dios ken ti pagrebbenganda kenkuana (Mosiah 13:30). Pammati, panagbabawi, panagbuniag iti danum, ken pannakaugas dagiti basol ti paset ti paglintegan, a kas iti Sangapulo a Bilin ken dadduma pay a bilin a napapateg iti kinatao. Adu kadagiti paglintegan iti seremonia ti natungpal iti ipapatay ken panagungar ni Jesucristo, a nakaigibusan ti panagisakripisio babaen ti panagayus ti dara (Alma 34:13–14). Naipatungpal ti paglintegan iti babaen ti Kinasaserdote nga Aaron ken pangisagana nga ebanghelio a mangyasideg kadagiti agtungpal ken ni Cristo.