Eden

Ti pagtaengan dagiti immuna a dadakkeltayo, da Adan ken Eva (Gen. 2:8–3:24; 4:16; 2 Ne. 2:19–25; Moises 3, 4; Abr. 5), a naaramid a kas minuyongan, iti dayaen ti Eden. Napapanaw da Adan ken Eva iti Eden kalpasan ti pannanganda iti maiparit a bunga ken panagbalinda a matay (Moises 4:29). Paneknekan ti paltiing iti ud-udina nga aldaw ti naisurat iti biblia maipanggep iti Minuyongan ti Eden. Innayonna dagiti napateg a pakaammo a makita ti minuyongan itan iti kontinente ti North America (DkK 116; 117:8).