Cornelio

Ti centurion iti Cesarea, a binuniagan ni Pedro (Ara. 10). Isu ket ngata ti umuna a Gentil a timmipon iti Simbaan a saan nga immuna a napasurot iti Judaismo. Ti pannakabuniag ni Cornelio ken ti kaamaanna ti nagbalin a ridaw ti dana para iti ebanghelio a maikasaba kadagiti Gentil. Ni Pedro, ti dadaulo nga Apostol, nga akin-iggem kadagiti tulbek iti pagarian ti Dios iti daga iti dayta a panawen, ti nangidaulo iti daytoy a panangasaba.