Kinasaserdote nga Aaron

Ti nababbaba a kinasaserdote (Heb. 7:11–12; DkK 107:13–14). Pagakeman ti obispo, saserdote, maestro, ken diakono (DkK 84:30; 107:10, 14–15, 87–88). Idi un-unana, iti babaen ti paglintegan ni Moises, adda nangato a saserdote, saserdote, ken Levitico. Naipalgak ti Kinasaserdote nga Aaron ken ni Moises gapu ta nagrebelde dagiti nagkauna nga Israelita iti Dios. Nagkedkedda a mapasanto ken umawat iti Kinasaserdote a Melchizedek ken dagiti ordinansana (DkK 84:23–25). Mainaig ti Kinasaserdote nga Aaron iti naindagaan ken ordinansa iti ruar ti paglintegan ken ti ebanghelio (1 Cron. 23:27–32; DkK 84:26–27; 107:20). Iggemna dagiti tulbek dagiti agserserbi nga anghel, ti ebanghelio ti panagbabawi, ken ti panagbuniag (DkK 13). Napasubli ti Kinasaserdote nga Aaron iti daga iti daytoy a dispensasion idi Mayo 15, 1829. Impaay ni Juan a Mammuniag daytoy kada Joseph Smith ken Oliver Cowdery iti igid ti Karayan Susquehanna, iti asideg ti Harmony, Pennsylvania (DkK 13; JS—P 1:68–73).