Nangato a Saserdote

Ti saad iti kinasaserdote. Dua ti ibaga ti nasantuan a kasuratan maipapan iti “nangato a saserdote”: (1) ti saad iti Kinasaserdote a Melchizedek; ken (2) iti babaen ti paglintegan ni Moises, ti mangimaton a pangulo iti Kinasaserdote nga Aaron.

Maaramat ti umuna a kaipapanan ken ni Jesucristo a kas naindaklan a Nangato a Saserdote. Nangato a saserdote met ni Adan ken amin dagiti patriarka. Ita, tallo a mangimaton a nangato a saserdote ti mangbukel iti Panguluen ti Simbaan ken mangiturong kadagiti amin nga addaan iti kinasaserdote ken kamkameng ti Simbaan. Maordenan a nangato a saserdote dagiti mainayon a maikari a lallaki kas mainugot iti intero a Simbaan iti agdama. Mabalin a maawagan, mapatalgedan, ken maordenan a kas obispo dagiti nangato a saserdote (DkK 68:19; 107:69–71).

Iti maikadua a kaipapanan, iti babaen ti paglintegan ni Moises, naawagan iti nangato a saserdote ti mangimaton a pangulo ti Kinasaserdote nga Aaron. Pagtitinnawidan ti saad ket mangrugi iti inauna iti kaamaan ni Aaron, a ni Aaron met laeng ti umuna a nangato a saserdote iti alagaden ni Aaron (Ex. 28; 29; Lev. 8; DkK 84:18).