Mana

Ti napino, bimmiskuit a nasustansia a taraon nga addaan iti raman a tagapulot ti uyokan (Ex. 16:14–31) wenno kaar-aramid a lana (Num. 11:8). Inaramid ti Apo a pangpakan kadagiti annak ti Israel bayat ti uppat-a-pulo-a-tawen a kaaddada iti langalang (Ex. 16:4–5, 14–30, 35; Jos. 5:12; 1 Ne. 17:28).

Ninaganan dagiti annak ti Israel iti mana (wenno man-hu iti Hebreo)—a kayatna a sawen “Ania dayta?”—gapu ta dida ammo no ania (Ex. 16:15). Naawagan pay iti “taraon dagiti anghel” ken “tinapay a naggapu iti langit” (Sal. 78:24–25; Jn. 6:31). Simbolo ni Cristo, nga isu ti Tinapay ti Biag (Jn. 6:31–35).